រាជធានីភ្នំពេញ ៖ តាមប្រភពព័ត៌មានច្បាស់ការមួយដែលផ្តល់ជូនដោយក្រុមពលករខ្មែរ ដែលធ្វើចំណាកស្រុកទៅរកការងារធ្វើនៅប្រទេសថៃបានឱ្យដឹងថា បច្ចុប្បន្ននេះ មានពលករជាច្រើនរយពាន់នាក់កំពុងនាំគ្នាទៅធ្វើការនៅស្រុកថៃដោយខុសច្បាប់ ទោះបីរាជរដ្ឋាភិបាលកម្ពុជាបានប្រកាសធ្វើលិខិតឆ្លងដែនជូនពួកគាត់ដោយមិនយកលុយក៏ដោយ ។
ប្រភពដដែលបន្តថា ការចាកចេញពីស្រុកខ្មែរទៅរស់នៅស្រុកថៃដោយខុសច្បាប់ គឺពួកគេត្រូវចំណាយលុយថ្លៃស្នាក់នៅក្នុងម្នាក់ពី ២ពាន់បាត ទៅ៦ពាន់បាត សម្រាប់រយៈពេលនៃការរស់នៅ២ខែតែប៉ុណ្ណោះ ។ ដោយឡែកក្នុងនោះដែរ អ្នកដែលមិនចាញ់បោកមេខ្យល់ គឺទៅសុំស្នាក់នៅតាមស្ថានទូតខ្មែរប្រចាំក្រុងបាងកក ក៏ដូចជាតាមមន្ទីរគ្រប់ខេត្ត-ក្រុងនៅស្រុកថៃនោះចំណាយត្រឹមតែ១៥០បាតប៉ុណ្ណោះ សម្រាប់ការស្នាក់នៅក្នុងរយៈពេល២ខែដូចគ្នា ។
ដោយឡែក ចំពោះអ្នកដែលចំណាយ២ពាន់បាត ដល់៦ពាន់បាតនោះ គឺជាបុគ្គលដែលចាញ់បោកមេខ្យល់ដែលនាំធ្វើតាមបែបបទផ្សេងៗនៅទីក្រុងបាងកក ជាហេតុធ្វើឱ្យក្រុមកម្មករខាតបង់ប្រាក់ផ្ទាល់ខ្លួនច្រើន ខណៈដែលពួកគេកំពុងស្វែងរកការងារធ្វើនៅស្រុកថៃនោះ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ