ខេត្តក្រចេះ ៖ អនុប្រធានអចិន្ត្រៃយ៍គណៈកម្មាធិការគ្រប់គ្រងគ្រោះមហន្តរាយខេត្ត និងជាអភិបាលរងខេត្ត លោកខណ្ឌ ចំណាន បានបញ្ជាក់ឱ្យដឹង នៅថ្ងៃទី៣១ កក្កដា ២០១៤ នេះថា អាជ្ញាធរខេត្តតាមបណ្តាមន្ទីរអង្គភាពពាក់ព័ន្ធនានាក្នុងខេត្ត បានត្រៀម
លក្ខណៈរួចជាស្រេច ទាំងមធ្យោបាយឯកជន និងមធ្យោបាយរដ្ឋ ដើម្បីចុះជួយអន្តរាគមន៍ និងជម្លៀសពលរដ្ឋ តាមបណ្តាស្រុក
ខេត្តក្រចេះ ៖ អនុប្រធានអចិន្ត្រៃយ៍គណៈកម្មាធិការគ្រប់គ្រងគ្រោះមហន្តរាយខេត្ត និងជាអភិបាលរងខេត្ត លោកខណ្ឌ ចំណាន បានបញ្ជាក់ឱ្យដឹង នៅថ្ងៃទី៣១ កក្កដា ២០១៤ នេះថា អាជ្ញាធរខេត្តតាមបណ្តាមន្ទីរអង្គភាពពាក់ព័ន្ធនានាក្នុងខេត្ត បានត្រៀម
លក្ខណៈរួចជាស្រេច ទាំងមធ្យោបាយឯកជន និងមធ្យោបាយរដ្ឋ ដើម្បីចុះជួយអន្តរាគមន៍ និងជម្លៀសពលរដ្ឋ តាមបណ្តាស្រុកគោលដៅដែលងាយប្រឈម និងរងគ្រោះដោយសារទឹកជំនន់នៅទូទាំងខេត្ត ។
បើតាមការអះអាងរបស់លោកអភិបាលរងខេត្តនេះ គឺធ្វើឡើងស្របពេលដែលស្ថានភាពទឹកជំនន់ កំពុងតែមានសភាពជន់ឡើងយ៉ាងគំហុកជាលើកទី២ នៅដើមខែកក្កដា បង្កឱ្យដំណាំកសិផលមួយចំនួនធំរបស់ពលរដ្ឋត្រូវបានជន់លិច ។ គឺពួកគាត់មួយចំនួនដែលកំពុងតែប្រឈម ក៏បានសម្រេចជម្លៀសសត្វពាហនៈមួយចំនួនឡើងមកទីទួលសុវត្ថិភាព រីឯដំណាំកសិផលដែលប្រឈមនិងការលិចលង់ចំនួនរាប់សិបហិកតា គឺត្រូវពួកគាត់សម្រេចប្រមូលផលទាំងមិនទាន់ផ្តល់ផលពេញលេចយ៉ាងណាក៏ដោយ។
បើតាមការឱ្យដឹងបន្ថែមពីអាជ្ញាធរខេត្តបានឱ្យដឹងថា គិតត្រឹមថ្ងៃទី៣១ កក្កដា នេះ ស្ថានភាពទឹកទន្លេមេគង្គខេត្តក្រចេះ គឺបានហក់ឡើងមានកំពស់២០,៤៣ម៉ែត្រ ដែលស្ថានភាពនេះ ត្រូវអាជ្ញាធរចាត់ទុកថា មានការឡើងខ្ពស់ជាងឆ្នាំមុន នៅក្នុងខែកក្កដា ឆ្នាំ២០១៣ កន្លងទៅ ។ ហើយស្ថានភាពជន់ឡើងសារជាថ្មីនេះ គឺត្រូវអាជ្ញាធរចាត់ទុកថា ជាការជន់ឡើងជាលើកទី២ បន្ទាប់ពីបានស្រកចុះបន្តិចក្នុងអំឡុងពេលប៉ុន្មានថ្ងៃរួចមកនោះ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ