ខេត្តព្រះសីហនុ ៖ បុរសជាឪពុកវ័យ៨០ឆ្នាំម្នាក់ ត្រូវបានកូនប្រុសបង្កើតវាយនឹងដំបងជ្រុងស្លា.ប់ភ្លាមនៅលើផ្ទះ រីឯម្តាយរងរបួសធ្ងន់ ស្របពេលដែលកូនប្រុសរូបនេះ ត្រូវប្រភពឱ្យដឹងថា ពេលខ្លះមានសតិមិនប្រក្រតី ។ ហេតុការណ៍កូនវាយឳពុកម្តាយកើតឡើងកាលពីវេលាម៉ោង១១និង៣០នាទីយប់ថ្ងៃទី៣០ កក្កដា នៅចំណុចក្រុម៨ ភូមិវាលមាស ឃុំវាលរេញ ស្រុកព្រៃនប់ ។
ខេត្តព្រះសីហនុ ៖ បុរសជាឪពុកវ័យ៨០ឆ្នាំម្នាក់ ត្រូវបានកូនប្រុសបង្កើតវាយនឹងដំបងជ្រុងស្លាប់ភ្លាមនៅលើផ្ទះ រីឯម្តាយរងរបួសធ្ងន់ ស្របពេលដែលកូនប្រុសរូបនេះ ត្រូវប្រភពឱ្យដឹងថា ពេលខ្លះមានសតិមិនប្រក្រតី ។ ហេតុការណ៍កូនវាយឳពុកម្តាយកើតឡើងកាលពីវេលាម៉ោង១១និង៣០នាទីយប់ថ្ងៃទី៣០ កក្កដា នៅចំណុចក្រុម៨ ភូមិវាលមាស ឃុំវាលរេញ ស្រុកព្រៃនប់ ។
ឪពុកដែលស្លាប់នេះឈ្មោះ ណុប បុល អាយុ៨០ឆ្នាំ ត្រូវកូនបង្កើតឈ្មោះ ណុម ចំរើន អាយុ៣៤ឆ្នាំ មុខរបរមិនពិតប្រាកដ បានប្រើដំបងជ្រុង ប្រវែង១៤០សង់ទីម៉ែត្រ វាយឪពុកចំក ក្បាល បណ្តាលឱ្យស្លាប់នៅលើផ្ទះ ចំណែកម្តាយរបួសធ្ងន់ មុននឹងកូនប្រុសខាងលើសម្លាប់ឪពុក ។
តាមស្ត្រីជាម្តាយប្រាប់កោះសន្តិភាពឱ្យដឹងថា គាត់មានកូន២នាក់នៅក្នុងបន្ទុក គឺកូនប្រុសខាងលើនៅលីវ និងកូនស្រី តែមានប្តីហើយ ។ ស្ត្រីបន្តថា កូនប្រុសគាត់ គីជាកូនត្រឹមត្រូវណាស់ ដើររកលុយយកឱ្យពួកគាត់ មើលថែពួកគាត់ ច្របាច់ដៃជើងឱ្យគាត់ស្ទើររាល់យប់ ។ ស្ត្រីជាម្តាយឱ្យដឹងទៀតថា មុនពេលកើតហេតុ កូនប្រុសនៅដេកក្រោមផ្ទះជាមួយឪពុក តែមិនដឹងជាយ៉ាងម៉េច ស្រាប់តែវាឡើងទៅលើផ្ទះវាយដោយដៃមកលើគាត់យ៉ាងដំណំ ។ ស្របពេលនោះគាត់ក៏ចុះមកក្រោមផ្ទះ ហើយឪពុកឡើងទៅលើផ្ទះបានមួយសន្ទុះ ក៏ឮសូរចៅយំ ពួកគាត់ក៏នាំគ្នាឡើងទៅមើល ក៏ឃើញឪពុកដេកស្លាប់ ដោយមានខ្នើយកើយត្រឹមត្រូវ ចំណែកឯកូនប្រុសនោះក៏ពុំបានទៅណាដែរ ដោយឱ្យសមត្ថកិច្ចចាប់ខ្លួនតាមសម្រួល ។
ប្រភពបញ្ជាក់បន្ថែមថា កូនគាត់មិនដែលមានថ្នាក់ថ្នាំង ជាមួយគាត់ឫឪពុកនោះទេ តែគាត់ថាកូនគាត់មានជំងឺសរសៃប្រសាទបន្តិចបន្តួច ៕
ចែករំលែកព័តមាននេះ