រាជធានីភ្នំពេញ ៖ ក្រោមវត្តមានលោករដ្ឋមន្ត្រីក្រសួងទេសចរណ៍ និងជាប្រធានក្រុមការងារថ្នាក់ជាតិចុះមូលដ្ឋានខេត្តកំពង់ធំ បានធ្វើការផ្សព្វផ្សាយសេចក្តីជូនដំណឹងលេខ១០៤៤ ស.ផ.ណ របស់រាជរដ្ឋាភិបាលស្តីពីលទ្ធផលនៃកិច្ចប្រជុំទាក់ទងបញ្ហា តំបន់៣ជុំវិញបឹងទន្លេសាប ក្នុងភូមិសាស្ត្រខេត្តកំពង់ធំ និងបើកកិច្ចប្រជុំបូកសរុបលទ្ធផលការងាររយៈពេល៦ខែ របស់ក្រុមការងារថ្នាក់ជាតិ ចុះជួយមូលដ្ឋានខេត្តកំពង់ធំ កាលពីថ្ងៃទី៣០ កក្កដា ២០១៤ នេះ នៅសាលាខេត្តកំពង់ធំ ដោយមានការអញ្ជើញចូលរួមពីក្រុមប្រឹក្សាខេត្ត អាជ្ញាធរខេត្ត រួមទាំងមន្ត្រីនៃស្ថាប័នពាក់ព័ន្ធជាច្រើនរូបទៀត ។
លោកឡោ សុខារម្ម អគ្គលេខាធិការក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ មានប្រសាសន៍ថា យោងតាម ស.ជ.ណ របស់រាជរដ្ឋាភិបាល គឺមានគោលបំណង២ ជាសំខាន់នោះ គឺការឆ្ពោះទៅដោះស្រាយដីធ្លីជូនប្រជាពលរដ្ឋ ដើម្បីបង្កបង្កើនផលដោះស្រាយជីវភាពរស់នៅប្រចាំថ្ងៃ និងការការពារឱ្យបាននូវតំបន់បឹងទន្លេសាបសំខាន់បរិស្ថាន ដែលការពារឱ្យបានព្រៃលិចទឹកផ្តល់ជម្រកត្រីពងកូន ។
លោកបញ្ជាក់ថា ស.ជ.ណ បានបង្ហាញពីការយកចិត្តទុកដាក់របស់រាជរដ្ឋាភិបាលចំពោះជីវភាពរស់នៅរបស់ប្រជាពលរដ្ឋយើង រួមទាំងការប្តេជ្ញាការពារឱ្យបាននូវធនធានធម្មជាតិនៃបឹងទន្លេសាប ដែលជាជម្រកត្រីទឹកសាបដ៏ធំនៅកម្ពុជា ។ យ៉ាងណាក៏ដោយលោកបានបញ្ជាក់ថា សេចក្តីសម្រេច ឬ ស.ជ.ណ របស់រាជរដ្ឋាភិបាល បានធ្វើឡើងបន្ទាប់ពីមានសំណើរបស់ក្រុមការងារថ្នាក់ជាតិចុះជួយមូលដ្ឋានខេត្តកំពង់ធំ ក្រោយពេលដែលសិក្សាស្រាវជ្រាវ និងទទួលបានសំណូមពរប្រជាពលរដ្ឋមូលដ្ឋានតាមរយៈនៃវេទិកាសាធារណកន្លងទៅ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ