កីឡាករលំដាប់ទី២ ពិភពលោករ៉ាហ្វាអែល ណាដាល់ ត្រូវបានបង្ខំឱ្យដកខ្លួនចេញពីព្រឹត្តិការណ៍ប្រកួតវាយកូនបាល់ Toronto Masters និង Cincinnati Masters បន្ទាប់ពីមានរបួសកដៃអំឡុងពេលហ្វឹកហាត់កាលពីថ្ងៃពុធម្សិលមិញ ។ កីឡាករវ័យ២៨ឆ្នាំរូបនេះបានបញ្ជាក់ថា រូបគេមានរបួសកដៃស្តាំនៅក្នុងពេលហ្វឹកហាត់ ហើយថា រូបគេត្រូវការការសម្រាកព្យាបាលពី២ទៅ៣សប្តា
កីឡាករលំដាប់ទី២ ពិភពលោករ៉ាហ្វាអែល ណាដាល់ ត្រូវបានបង្ខំឱ្យដកខ្លួនចេញពីព្រឹត្តិការណ៍ប្រកួតវាយកូនបាល់ Toronto Masters និង Cincinnati Masters បន្ទាប់ពីមានរបួសកដៃអំឡុងពេលហ្វឹកហាត់កាលពីថ្ងៃពុធម្សិលមិញ ។ កីឡាករវ័យ២៨ឆ្នាំរូបនេះបានបញ្ជាក់ថា រូបគេមានរបួសកដៃស្តាំនៅក្នុងពេលហ្វឹកហាត់ ហើយថា រូបគេត្រូវការការសម្រាកព្យាបាលពី២ទៅ៣សប្តាហ៍។
យ៉ាងណាក៏ដោយ គេពុំទាន់ដឹងច្បាស់ថា តើណាដាល់ អាចជាសះស្បើយទាន់ការប្រកួតក្របខ័ណ្ឌធំ US Open ដែលនឹងប្រព្រឹត្តទៅនៅទីក្រុងញូវយ៉ក ថ្ងៃទី២៥ ខែសីហាដែរឬយ៉ាងណាទេ ។ គេបានថ្លែងថា ៖ «ជាអកុសល កាលពីម្សិលមិញខ្ញុំបានធ្វើឱ្យរបួសកដៃអំឡុងពេលហ្វឹកហាត់ ហើយបន្ទាប់ពីការពិនិត្យ គ្រូពេទ្យតម្រូវឱ្យខ្ញុំធ្វើការវះកាត់ភ្លាមៗនៅអេស្ប៉ាញ ។ ខ្ញុំនឹងត្រូវផ្អាកការប្រកួតយ៉ាងហោចណាស់២-៣សប្តាហ៍»។
កីឡាករអេស្ប៉ាញរូបនេះបានបន្តថ៖ «ខ្ញុំមានការសោកស្តាយ និងសូមជូនពរដល់ព្រឹត្តិការណ៍ប្រកួតទាំង២ ជាពិសេសគឺបណ្តាអ្នកគាំទ្រទាំងអស់ ។ ខ្ញុំពិតជាអស់សង្ឃឹមយ៉ាងខ្លាំងដែលមិនអាចការពារជើងឯកក្នុងព្រឹត្តិការណ៍ Toronto Masters និង Cincinnati Masters ឆ្នាំនេះ ។
បន្ទាប់ពីដណ្តើមបានលទ្ធផលដ៏ល្អកាលឆ្នាំទៅមិញ ខ្ញុំតែងតែទន្ទឹងរង់ចាំដើម្បីចូលរួមម្តងទៀតនៅឆ្នាំនេះ» ។ សូមបញ្ជាក់ថា ព្រឹត្តិការណ៍ប្រកួត Toronto Masters នឹងរៀបចំធ្វើនៅថ្ងៃចន្ទសប្តាហ៍ក្រោយខណៈ Cincinnati Masters ធ្វើនៅសប្តាហ៍បន្ទាប់ទៀត ៕
ចែករំលែកព័តមាននេះ