ខេត្តបន្ទាយមានជ័យ ៖ សមត្ថកិច្ចចម្រុះខេត្តបន្ទាយមានជ័យកាលពីថ្ងៃទី៣០ កក្កដា ២០១៤ បានចុះបង្ក្រាបបទល្មើសនេសាទនៅតាមអូរ និងដងស្ទឹងឃុំសំបួរ ស្រុកមង្គលបូរីរឹបអូសបានឧបករណ៍នេសាទល្មើសច្បាប់ជាច្រើនប្រភេទ។
លោកហ៊ី សេងគ្រី នាយសង្កាត់រដ្ឋបាលជលផលមង្គលបូរីបានឱ្យដឹងថា ដោយមានការណែនាំពីលោកគោស៊ុំ សារឿត អភិបាលខេត្តបន្ទាយមានជ័យលោកបានដឹកនាំកម្លាំងនគរបាលប៉ុស្តិ៍ឃុំសំបួរ និងសហគមន៍នេសាទចុះបង្ក្រាបបទល្មើសនេសាទនៅចំណុចអូររហាលសន្ទូង និងចំណុចអូរជីក និងអតីតឡូត៍នេសាទលេខ២ និងបានចុះរុះរើរបាំងព្រួលដាក់កាត់អូរចំនួន២កន្លែងមានប្រវែង១០០ម៉ែត្រ និងលបចំនួន១១ស្បៃមុងប្រវែង៥០ម៉ែត្រ លូស្បៃមុងប្រវែង៥០ម៉ែត្រ លូស្បៃមុងរីអ៊ុយ១បង្គោលចម្រឹងចំនួន៥០ដើម។
លោកនាយសង្កាត់បន្តថា ការចុះបង្ក្រាបបទល្មើសនេសាទនេះ គឺបង្ក្រាបបានតែឧបករណ៍នេសាទខុសច្បាប់ តែជនល្មើសបានគេចខ្លួនអស់៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ