ខេត្តបាត់ដំបង ៖ ជនម្នាក់ត្រូវកម្លាំងកងរាជអាវុធហត្ថចាប់ខ្លួន ក្រោយពីសង្ស័យថា បានប្រើកាំបិតភ្ជង់ និងចាប់អូសដៃនារីម្នាក់ ដែលមានស្វាមីរួចហើយ យកទៅរំលោភក្បែរមាត់អូរយ៉ាងព្រៃផ្សៃ ។ ករណីរំលោភនេះ បានកើតទ្បើងកាលពីវេលាម៉ោង១០និង១០នាទីយប់ ថ្ងៃទី២៨ កក្កដា នៅក្នុង ឃុំជ្រៃសីមា ស្រុកសំពៅលូន គ្រាដែលនាងកំពុងដេកជាមួយប្អូនៗ និងឪពុកក្មេកនៅក្នុងផ្ទះ ចំណែកស្វាមីរបស់នាងមិនបាននៅផ្ទះទេ ទៅធ្វើកម្មករនៅទីឆ្ងាយ ហើយនាងក៏មិនទាន់មានកូនដែរ ។
លោក គឹម វាសនា មេបញ្ចាការមូលដ្ឋានកងរាជអាវុធហត្ថស្រុកសំពៅលូន ឱ្យដឹងថា ជនសង្ស័យឈ្មោះ អុល សុភ័ក្ត្រ អាយុ២១ឆ្នាំ រីឯនារីរងគ្រោះ អាយុ១៨ឆ្នាំ ។ ជនសង្ស័យបានប្រើកាំបិតខ្វែវចូលទៅភ្ជង់នាង គ្រាដែលនាងកំពុងដេកជាមួយប្អូនៗក្នុងមុង រួចចាប់អូសដៃនាងចេញពីក្នុងមុងទៅរំលោភក្បែរអូរ ដោយគំរាមសម្លាប់ទាំងរូបនាង ទាំងឪពុកក្មេកដែលដេកលក់ក្នុងផ្ទះនោះដែរ បើហ៊ានស្រែក ឬបើកភ្លើងបំភ្លឺ ។ ទីបំផុត នាងត្រូវជននោះ ភ្ជង់នឹងកាំបិតចាប់រំលោភយ៉ាងព្រៃផ្សៃ រហូតបានសម្រេច លុះនៅព្រឹកថ្ងៃទី២៩ កក្កដា ទើបកម្លាំងកងរាជអាវុធហត្ថចាប់ខ្លួនក្រោយពីស្ត្រីរងគ្រោះបានដាក់ពាក្យបណ្តឹង ។
នារីរងគ្រោះនិយាយថា ជនឈ្មោះ អុល សុភ័ក្ត្រ បានប្រើកាំបិតខ្វែវចូលទៅភ្ជង់នាងដល់ក្នុងមុង គ្រាដែលនាងកំពុងដេកជាមួយប្អូនៗ និងឪពុកក្មេកនាង ក៏កំពុងដេកក្នុងផ្ទះនោះដែរ ។ ជននេះ បានគំរាមសម្លាប់នាង និងឪពុកក្មេកនាងទៀត បើកហ៊ានបើកភ្លើងបំភ្លឺ ។ នាងបញ្ជាក់ថា គ្រានោះឈ្មោះ សុភ័ក្ត្រ បានចាប់អូសដៃនាងចេញក្រៅផ្ទះទៅក្បែរមាត់អូរ ដោយដៃម្ខាងកាន់កាំបិតភ្ជង់នាងជាប់ ។ ពេលទៅដល់មាត់អូរជននេះ បានចាប់រំលោភនាងទាំងកំរោល ។ ស្ត្រីរងគ្រោះបន្តថា ម្តាយក្មេកនាងមកទាន់ពេលជននេះ ធ្វើសកម្មភាពរំលោភរួច ហើយជននេះរត់គេចខ្លួនបាត់ទាំងយប់ លុះព្រឹកទ្បើងទើបសមត្ថកិច្ចចាប់ខ្លួនក្រោយពីនាងនិងម្តាយក្មេកទៅដាក់ពាក្យបណ្តឹង ។
ជនសង្ស័យឈ្មោះ អុល សុភ័ក្ត្រ បានសារភាពថា ខ្លួនពិតជាបានប្រើកាំបិតភ្ជង់ និងចាប់រំលោភនារីរងគ្រោះប្រាកដមែន ។ ខ្លួនបានទិញស្រាចំនួន៥លីត្រយកទៅផឹកជាមួយឪពុកក្មេកនាង លុះពេលស្រវឹងក៏បែកគ្នា រហូតដល់ម៉ោង១០យប់ ខ្លួនក៏កាន់កាំបិតចូលទៅផ្ទះនាង និងចាប់នាងអូសយកទៅរំលោភក្បែរមាត់អូររហូតបានសម្រេច ។ ទោះបីជាបែបណា មេបញ្ជាការកងរាជអាវុធហត្ថស្រុកសំពៅលូន លោក គឹម វាសនា បានបញ្ជាក់ថា ជនប្រព្រឹត្តហាក់បង្ហាញពីសកម្មភាពឃោរឃៅណាស់ទៅលើនារីរងគ្រោះ ។
ជននេះ បានប្រើកាំបិតភ្ជង់និងគំរាមសម្លាប់នាងរហូត បើទោះជាកំពុងធ្វើសកម្មភាពក្តី ។ មិនតែប៉ុណ្ណោះ ក្រោយពីរំលោភរួច ជននេះបានព្យាយាមពង្រត់នាងចេញពីផ្ទះទៀត តែនាងបានបដិសេធ ហើយគ្រានោះម្តាយក្មេកនាងមកទាន់ល្មម ។ លោកមេបញ្ជាការកងរាជអាវុធហត្ថខេត្តបានបញ្ជាឱ្យកម្លាំងជំនាញកសាងសំណុំរឿងបញ្ជូនជនសង្ស័យខាងលើទៅកាន់សាលាដំបូងខេត្ត ៕
ចែករំលែកព័តមាននេះ