ខេត្តឧត្តរមានជ័យ ៖ នៅវេលាម៉ោង៧និង២០នាទីព្រឹក ថ្ងៃទី៣០ កក្កដា ២០១៤ គ្រោះថ្នាក់ចរាចរណ៍មួយបានកើតឡើងនៅតាមបណ្តោយផ្លូវជាតិលេខ៦៨B ក្នុងភូមិត្រពាំងស្លែង សង្កាត់កូនគ្រៀល ស្រុកសំរោង ខេត្តឧត្តរមានជ័យខណៈបុរសម្នាក់ជិះម៉ូតូម៉ាកវីវ៉ាកញ្ចាស់ ទៅបុករថយន្តកាមរីបាឡែនពណ៌ទឹកប្រាក់ ពាក់ស្លាកលេខកំពង់ធំ 2A-1338 ដែល កំពុង តែ ធ្វើ ដំណើរ បញ្ចា្រសទិសគ្នាយ៉ាងពេញទំហឹងបណ្តាលឲ្យបុរសជិះម៉ូតូស្លាប់បាត់បង់ជីវិតភ្លាមៗនៅនឹងកន្លែងកើតហេតុ ។
សាក្សីនៅកន្លែងកើតហេតុបានឲ្យកោះសន្តិភាពដឹងថាមុនពេលកើតហេតុគេបានឃើញជនរងគ្រោះឈ្មោះហែន ខា ភេទប្រុស អាយុ៣៦ឆ្នាំ រស់នៅក្នុងភូមិសង្កាត់កើតហេតុខាងលើជិះម៉ូតូម៉ាកវីវ៉ាម្នាក់ឯងដោយមានក្នុងស្ថានភាពស្រវឹងជោកជាំផងពីទិសជើងទៅត្បូងរ៉េចង្កូតពាសពេញផ្លូវជាតិចំណែករថយន្តម៉ាកកាមរីបាឡែនបានធ្វើដំណើរពីទិសខាងត្បូងទៅជើងដោយបញ្ចា្រសទិសគ្នាជិះមានគ្នា៥នាក់ស្រាប់តែម៉ូតូវីវ៉ាបានរេចង្កូតទៅខាងឆ្វេងដៃរបស់ខ្លួនហើយបុករថយន្តចំពីមុខពេញទំហឹងបណ្តាលឲ្យស្លាប់ភ្លាមៗ។
ព័ត៌មានលម្អិតនិងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ