លោកអ្នកប្រហែលជានៅចាំបានថា កាលពីចុងឆ្នាំ២០១៣ រដ្ឋាភិបាលវ៉េណស៊ុយអេឡា បានសម្រេចចិត្ដដាក់កម្រិតតម្លៃរថយន្ដថ្មី និងជជុះដើម្បីទប់ទល់នឹងអតិផរណានៃការចុះបញ្ជី ។ ចំណែកការបោះជំហានឆ្ពោះទៅមុខយ៉ាងលឿននៅក្នុងខែកក្កដា ឆ្នាំ២០១៤ អាចបង្ហាញឱ្យឃើញថា លទ្ធផលនៃគោលនយោបាយនេះគឺជាមហន្ដរាយចំពោះឧស្សាហកម្មរថយន្ដក្នុងប្រទេស ។
លោកអ្នកប្រហែលជានៅចាំបានថា កាលពីចុងឆ្នាំ២០១៣ រដ្ឋាភិបាលវ៉េណស៊ុយអេឡា បានសម្រេចចិត្ដដាក់កម្រិតតម្លៃរថយន្ដថ្មី និងជជុះដើម្បីទប់ទល់នឹងអតិផរណានៃការចុះបញ្ជី ។ ចំណែកការបោះជំហានឆ្ពោះទៅមុខយ៉ាងលឿននៅក្នុងខែកក្កដា ឆ្នាំ២០១៤ អាចបង្ហាញឱ្យឃើញថា លទ្ធផលនៃគោលនយោបាយនេះគឺជាមហន្ដរាយចំពោះឧស្សាហកម្មរថយន្ដក្នុងប្រទេស ។
អ្វីដែលជាផលិតកម្មរថយន្ដធំបំផុតទី៣នៅអាមេរិកខាងត្បូងមានជារឿយៗនោះ គឺបច្ចុប្បន្នកំពុងមាន ការពុះពារនូវការដំឡើងរថ យន្ដ៣-៤គ្រឿងក្នុងមួយថ្ងៃ ។ រោងចក្រដំឡើងរថយន្ដរបស់ប្រទេសវ៉េណេស៊ុយអេឡា ដំណើរការដោយក្រុមហ៊ុនផលិតរថយន្ដនៅលើពិភពលោកដូចជា ក្រុមហ៊ុន Ford ,GM ,Toyota និង Fiat Chrysler Auto-mobiles ដែលបានកាត់ផ្ដាច់ទិន្នផលជាង៨០% នៅក្នុងអំឡុងពេល៦ខែដើមឆ្នាំនេះធៀបនឹងអំឡុងពេលដូចគ្នានៃឆ្នាំទៅនោះគឺដោយសារតែបញ្ហាកង្វះខាតប្រាក់ដុល្លារសម្រាប់ចំណាយលើអ្នកផ្គត់ផ្គង់ ។
កាលពីអំឡុងខែមិថុនា ឆ្នាំ២០១៣ ក្រុមហ៊ុនទាំងអស់នោះផលិតរថយន្ដបាន៣៦.៩១៩គ្រឿង ខណៈឆ្នាំ២០១៤ ពួកគេផលិតបានត្រឹមតែ៦.១៦១គ្រឿង ។ ក្រុមហ៊ុន Ford ដែលជាអ្នកផ្អាកផលិតកម្មបណ្ដោះអាសន្នកាលពីខែឧសភា នៅរោងចក្ររបស់ខ្លួនក្នុងប្រទេសនេះ ដោយសារតែកង្វះខាតរូបិយប័ណ្ណបរទេសដែលខ្លួនបានពិភាក្សាជាមួយរដ្ឋាភិបាល ក្នុងការរក្សាប្រាក់ដុល្លារបន្ថែមដើម្បីនាំចូលគ្រឿងបន្លាស់ចាំបាច់ ។
ឧស្សាហកម្មរថយន្ដក្នុងប្រទេសបានដាំក្បាលចុះជាងភាពជាក់ស្ដែងទៅទៀត ហើយក៏មានកត្ដាមួយចំនួនគេជឿជាក់ថា នយោ បាយរបស់លោកប្រធានាធិបតី Nicolas Maduro គឺជាកំហុសឆ្គងមួយ ។ ទោះជាយ៉ាងណា លោក Nicolas បានទម្លាក់កំហុសទៅលើក្រុមហ៊ុនរថយន្ដជាច្រើនដែលលោភលន់ និងចង់បានប្រាក់ចំណេញហួសហេតុ ។
ម៉ាឡេស៊ី ៖ នៅអំឡុងពេល៦ខែដើមឆ្នាំ២០១៤នេះ Perodua បានបន្តគ្រប់គ្រងតំណែងជាយីហោរថយន្តលក់ដាច់ជាងគេបំផុតនៅក្នុងប្រទេសម៉ាឡេស៊ី ជាមួយនឹងការចុះបញ្ជីនៃអត្រាលក់សរុបចំនួន៩៤.៥០០គ្រឿង ។ បើទោះជាបរិមាណនៃការលក់ពីមួយឆ្នាំទៅមួយឆ្នាំក្នុងអំឡុងពេលដូចគ្នាកាលពីឆ្នាំមុនមានភាពរួញខ្លី ក៏ក្រុមហ៊ុននៅតែរក្សាបានចំណាត់ថ្នាក់នាំមុខទីផ្សារដដែល ។
លោក Datuk Aminar Rashid Salleh ប្រធាន និងជានាយកប្រតិបត្តិក្រុមហ៊ុនបានគូសបញ្ជាក់ថា «ទោះជាយ៉ាងណា ការរក្សាបាននូវកៅអីនាំមុខរបស់យើង ក៏មានការកាត់បន្ថយផ្សារហ៊ុនរបស់យើងតិចតួចដែរ គឺ២៨,៤% ធៀបនឹងឆ្នាំទៅ៣០,៩% ។ តាមតួលេខដែលជាការប៉ាន់ប្រមាណរបស់ក្រុមហ៊ុន Perodua បង្ហាញឱ្យឃើញថា កំណើននៅក្នុងបរិមាណឧស្សាហកម្មសរុបមានចំនួន ៦,២% ពី បរិមាណ៣១៣.៥០០គ្រឿង កាលពីឆមាសទី១ ឆ្នាំ២០១៣ ទៅនឹងចំនួនបញ្ជីបាន៣៣២.៨០០គ្រឿងក្នុងអំឡុង ពេលដូចគ្នានៃឆ្នាំ២០១៤នេះ ។ លោកបន្ថែមថា យើងកំពុងតែកែសម្រួលបរិមាណនៃការលក់របស់យើងឱ្យបាន១៩៣.០០០គ្រឿងនាដំណាច់ឆ្នាំ ធៀបនឹងទិសដៅ១៩៧.០០០គ្រឿងដែលបានប្រកាសកាលពីដើមឆ្នាំ ខណៈការប្រកួតប្រជែង គឺកាន់តែអស្ចារ្យជាងការរំពឹងទុកកាលពីមុន ។
ទោះជាយ៉ាងណាក៏ដោយ ពាណិជ្ជកម្មបន្ទាប់ពីការលក់បានឆ្លុះបញ្ចាំងឱ្យឃើញពីកំណើននៃការចុះបញ្ជីកើនឡើង៤% ក្នុងចំណូលសេវាកម្មពីបរិមាណរថយន្ត៩២៤.០០០គ្រឿងនៅក្នុងឆមាសទី១ ឆ្នាំ២០១៣ ទៅនឹងបរិមាណ៩៥៦.០០០គ្រឿងក្នុងរយៈពេលដូចគ្នានៃឆ្នាំ២០១៤ ។ ដូចនេះចំណូលពីការផ្តល់សេវាកម្មពាណិជ្ជកម្មបានកើនឡើងដោយឆ្លើយតបទៅនឹងការសមាមាត្រនៃថវិកា៨២លានដុល្លារ និង៨៥លានដុល្លារអាមេរិក ។ លោកបានបញ្ជាក់បន្ថែមថា បរិមាណអតិថិជនដែលងាកមករកមជ្ឈមណ្ឌលផ្តល់សេវាកម្មបានកើនឡើងពី២៦១.០០០នាក់ទៅ២៧៧.៧០០នាក់ ៕
ចែករំលែកព័តមាននេះ