ការប៉ះទង្គិចគ្នានានាកាលពីថ្ងៃទី២៨ កក្កដា កន្លងមកនេះ នៅខេត្ដស៊ីនជាំង តំបន់អ៊ិស្លាមនាភាគពាយ័ព្យចិន បណ្ដាលឱ្យមនុស្សស្លាប់និងរបួសដល់ទៅ១០០នាក់ ។ នេះបើតាមសេចក្ដីរាយការណ៍របស់ក្រុមការពារជនជាតិអ៊ូយហ្គួរ ជាជនជាតិភាគតិចសំខាន់នៅតំបន់នោះ ។
ជនវាយប្រហារ១ក្រុមប្រដាប់ដោយកាំបិតកាលពីព្រឹកថ្ងៃទី២៨ កក្កដា បានវាយប្រហារលើប៉ុស្ដិ៍ប៉ូលិសមួយនិងបណ្ដាអគារសាធារណៈក្នុងស្រុក SHACHE ឬ YARKAND ជាភាសាអ៊ូយហ្គួរ ។ ទីភ្នាក់ងារព័ត៌មានចិនស៊ីនហួ រាយការណ៍កាលពីថ្ងៃទី២៩ កក្កដា ថា កងកម្លាំងប៉ូលិសពេលនោះបានបាញ់សម្លាប់ពួកអ្នកវាយប្រហារជាច្រើននាក់ ខណៈពួកនោះវាយប្រហារលើបណ្ដាជនស៊ីវិល និងរថយន្ដទាំងឡាយ ។ ស៊ីនហួនិយាយពីការវាយប្រហារភរវកម្មគិតទុកជាមុនមួយ ។
ស៊ីនហួលើកឡើងកាលពីយប់ថ្ងៃទី២៩ កក្កដា ពីអ្នករបួសជាច្រើនសិបនាក់និងពីបណ្ដាជនស៊ីវិលស្លាប់ក្នុងនោះមានទាំងជនជាតិភាគតិចអ៊ូយហ្គួរ ទាំងជនជាតិហាន។
នៅខេត្ដស៊ីនជាំង មានជនជាតិអ៊ូយហ្គួរជាង៩លាននាក់ ដែលពួកគេជាជនអ៊ិស្លាម និយាយភាសាតួកគី ។ ពួកនិយមជ្រុលអ៊ូយហ្គួរ បើតាមអាជ្ញាធរថា ជាប្រភពនៃការវាយប្រហារភេរវកម្មបង្ហូរឈាមនានារយៈពេលប៉ុន្មានខែចុងក្រោយនេះ ៕
ចែករំលែកព័តមាននេះ