រាជធានីភ្នំពេញ ៖ លោក កោ វណ្ឌី ប្រធានក្រុមប្រឹក្សាសាលាដំបូងរាជធានីភ្នំពេញ កាលពីព្រឹកថ្ងៃទី៣០ កក្កដា ២០១៤ នេះ បានលើកយកសំណុំរឿងពាក់ព័ន្ធពីបទរំលោភសេពសន្ថវ:លើនារីអាយុ១៩ឆ្នាំម្នាក់ មកប្រកាសសាលក្រមចំពោះមុខជនជាប់ចោទម្នាក់និងកំបាំងមុខម្នាក់ ។
សាលក្រមនោះ បានផ្តន្ទាទោសឈ្មោះផុន តារា អាយុ២១ឆ្នាំ ដាក់ពន្ធនាគារ៥ឆ្នាំ ពីបទរំលោភសេពសន្ថវ: ព្រមទាំងបង្គាប់ឱ្យសងជំងឺចិត្តដល់នារីរងគ្រោះចំនួន៦លានរៀល ។ សាលក្រមដដែលបានកែប្រែបទចោទប្រកាន់លើឈ្មោះយិន ចាន់សុជាតិ អាយុ២០ឆ្នាំ ពីបទរំលោភសេពសន្ថវ: មកជាបទហិង្សាដោយចេតនា រួចផ្តន្ទាទោសកំបាំងមុខដាក់ពន្ធនាគារ១ឆ្នាំ និងពិន័យជាប្រាក់២លានរៀល ព្រមទាំងសងជំងឺចិត្តដល់នារីរងគ្រោះ១លានរៀល។
អង្គហេតុនាំឱ្យផ្តន្ទាទោសនេះ គឺកាលពីថ្ងៃទី៥ មីនា ២០១៤ កន្លងមក ជនរងគ្រោះត្រូវបានជនជាប់ចោទ និងបក្សពួកសរុបចំនួន៩នាក់ លួងលោមទៅផឹកស៊ីនៅម្តុំសង្កាត់ព្រែកតាសេក ខណ្ឌជ្រោយចង្វា ។ ក្រោយពីផឹកទឹកត្នោតជូរអស់៣០លីត្រ ក៏ស្រវឹងរៀងៗខ្លួន ហើយឈ្មោះផុន តារា និងសុជាតិ បានឌុបនាងទៅកន្លែងស្ងាត់មួយក្នុងព្រៃត្រែងលើគំនរដីខ្សាច់ រួចឈ្មោះតារា ក៏ចាប់ដោះសម្លៀកបំពាក់របស់នាង រួចរំលោភបានសម្រេច ហើយឈ្មោះសុជាតិ ជាអ្នកវាយជនរងគ្រោះ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ