យោងតាមប្រភពព័ត៌មានពីក្លិប Everton បានឱ្យដឹងថា កីឡាករខ្សែបម្រើ Ross Barkley បានយល់ព្រមបន្តកុងត្រាថ្មីរយៈពេល៤ឆ្នាំ ជាមួយក្លិប Everton ។ ការចុះកុងត្រាថ្មីនេះនឹងធ្វើឱ្យកីឡាករវ័យ២០ឆ្នាំបន្តស្នាក់នៅជាមួយក្លិប Everton រហូតដល់ឆ្នាំ២០១៨ ។ ការចុះកុងត្រាថ្មី កីឡាករ Ross Barkley ទទួលបានប្រាក់ឈ្នួលជាង១១ម៉ឺនដុល្លារក្នុង១ សប្តាហ៍ ។
លោក Roberto Martinez គ្រូបង្វឹកក្លិប Everton បាននិយាយថា ៖ កីឡាករ Ross Barkley គឺជាកីឡាករវ័យក្មេង តែមានទេពកោសល្យល្អដែលបានជួយក្លិប Everton ឱ្យទទួលបានលទ្ធផលល្អនាពេលកន្លងមក ។ ចំណែកឯកីឡាករវ័យ២០ឆ្នាំរូបនេះ បាននិយាយថា ៖ ការចុះកុងត្រាថ្មីគឺជាក្តីសុបិន្តរបស់ខ្ញុំ ។ ខ្ញុំបានលេងឱ្យក្លិប Everton តាំងពីឆ្នាំ២០០៥ ក្នុងក្លិបយុវជនរហូតមកដល់ឆ្នាំ២០១០ ខ្ញុំចូលលេងក្នុង ក្លិប Everton ឈុតធំ» ។ នៅជាមួយក្លិប Everton ធ្លាប់សុ៊តបាល់បាន៦គ្រាប់ ក្នុងការបង្ហាញវត្តមាន៤៧ប្រកួត ៕
ចែករំលែកព័តមាននេះ