សហរដ្ឋអាមេរិកមានបំណងលក់មីស៊ីលប្រឆាំងរថក្រោះធុន HELLFIRE ចំនួន៥.០០០គ្រាប់ដល់អីុរ៉ាក់ ក្នុងតម្លៃ៧០០លានដុល្លារ ។ ប្រការនេះគឺដើម្បីជួយអីុរ៉ាក់ក្នុងការតស៊ូប្រឆាំងពួកបះបោរស៊ុននីតនៃក្រុមរដ្ឋអ៊ិស្លាម ដែលបានបង្កើតរដ្ឋកាលីហ្វាតអ៊ិស្លាមមួយនៅចន្លោះអីុរ៉ាក់និងស៊ីរី ។
សហរដ្ឋអាមេរិកមានបំណងលក់មីស៊ីលប្រឆាំងរថក្រោះធុន HELLFIRE ចំនួន៥.០០០គ្រាប់ដល់អីុរ៉ាក់ ក្នុងតម្លៃ៧០០លានដុល្លារ ។ ប្រការនេះគឺដើម្បីជួយអីុរ៉ាក់ក្នុងការតស៊ូប្រឆាំងពួកបះបោរស៊ុននីតនៃក្រុមរដ្ឋអ៊ិស្លាម ដែលបានបង្កើតរដ្ឋកាលីហ្វាតអ៊ិស្លាមមួយនៅចន្លោះអីុរ៉ាក់និងស៊ីរី ។
មីស៊ីល HELLFIRE ផលិតដោយក្រុមហ៊ុនយក្ស LOCKHEED MARTIN របស់អាមេរិកត្រូវបានប្រើប្រាស់ជាពិសេសដោយមន្ទីរប៉ង់តាហ្គោនដើម្បីវាយប្រហារលើពួកបះបោរមានទំនាក់ទំនងជាមួយអាល់កៃដានៅប៉ាគីស្ថាន ឬនៅយេម៉ែន តាមរយៈយន្ដហោះគ្មានមនុស្សបើក ។ ការលក់នោះបើសិនជាច្បាស់ប្រាកដនឹងជាការលក់មីស៊ីល HELLFIRE យ៉ាងច្រើនពុំធ្លាប់មានសម្រាប់ការលក់តែមួយលើកដោយក្រុងវ៉ាស៊ីនតោន ។
បណ្ដាអ្នកទទួលខុសត្រូវអាមេរិកគូសបញ្ជាក់កាលពីថ្ងៃទី២៩ កក្កដា ថា ការលក់នេះត្រូវបានយល់ព្រមដោយក្រសួងការបរទេសអាមេរិក ហើយត្រូវទទួលការយល់ស្របរបស់សភាទៀត។ ក្នុងខែកក្កដា នេះសហរដ្ឋអាមេរិកបានផ្ដល់មីស៊ីល HELLFIRE ចំនួន៤៦៦គ្រាប់រួចហើយដល់អីុរ៉ាក់ និង៧៨០គ្រាប់ តាំងពីដើមឆ្នាំនេះមក។ មីស៊ីលធុននោះ៣៦៦គ្រាប់ទៀតត្រូវផ្ដល់នាខែសីហា ។
សហរដ្ឋអាមេរិកបានបដិសេធមិនបញ្ជូនកងទ័ពជើងគោកដើម្បីជួយកងទ័ពអីុរ៉ាក់ក្នុងការប្រយុទ្ធប្រឆាំងកងកម្លាំងរបស់ក្រុមរដ្ឋអ៊ិស្លាមដែលដណ្ដើមត្រួតត្រាដែនដីអីុរ៉ាក់មួយផ្នែកធំក្នុងនោះរួមទាំងទីក្រុងធំទី២របស់ប្រទេសគឺក្រុងម៉ូសស៊ុលផង ។ ក៏ប៉ុន្ដែក្រុងវ៉ាស៊ីនតោន បានបញ្ជូនបណ្ដាទីប្រឹក្សាយោធា ហើយសន្យាជំរុញការផ្ដល់អាវុធ ហើយក៏និយាយដោយចំហពីលទ្ធភាពជួយវាយប្រហារតាមជើងអាកាសនៅអីុរ៉ាក់ ៕
ចែករំលែកព័តមាននេះ