អាជ្ញាធរមូលដ្ឋានថ្លែងកាលពីថ្ងៃទី២៩ កក្កដាថា មនុស្សយ៉ាងតិច២៦នាក់ ក្នុងនោះមានកុមារច្រើននាក់បានត្រូវស្លា.ប់ក្នុងការប្រយុទ្ធគ្នាយ៉ាងស្វិតស្វាញនានារយៈពេល២៤ម៉ោងចុងក្រោយនេះនៅភាគខាងកើតអ៊ុយក្រែន ដែលនៅទីនោះកងទ័ពរដ្ឋាភិបាលបានបង្កើនការវាយលុកប្រឆាំងពួកបះបោរស្និទ្ធរុស្ស៊ី ។
អាជ្ញាធរមូលដ្ឋានថ្លែងកាលពីថ្ងៃទី២៩ កក្កដាថា មនុស្សយ៉ាងតិច២៦នាក់ ក្នុងនោះមានកុមារច្រើននាក់បានត្រូវស្លាប់ក្នុងការប្រយុទ្ធគ្នាយ៉ាងស្វិតស្វាញនានារយៈពេល២៤ម៉ោងចុងក្រោយនេះនៅភាគខាងកើតអ៊ុយក្រែន ដែលនៅទីនោះកងទ័ពរដ្ឋាភិបាលបានបង្កើនការវាយលុកប្រឆាំងពួកបះបោរស្និទ្ធរុស្ស៊ី ។
អាជ្ញាធរក្រុងហ្គ័រឡូវកា ក្នុងតំបន់ដូណេតស្ក៍ ថ្លែងថា ការប៉ះទង្គិចគ្នានានារវាងកងទ័ពរដ្ឋាភិបាល និងពួកឧទ្ទាមដែលផ្ទុះឡើងពីថ្ងៃទី២៨ កក្កដា បណ្តាលឱ្យមនុស្សស្លាប់យ៉ាងតិច១៧នាក់ក្នុងនោះមានកុមារ៣នាក់ ។នៅអុីយ៉ាស៊ីណូវ៉ាតា ជាទីក្រុងជិតខាងគ្នាមួយទៀត មនុស្សយ៉ាងតិច៤នាក់បានត្រូវស្លាប់ ហើយ៧នាក់ទៀតត្រូវរបួសដោយសារការវាយប្រហារតាមអាកាសលើអគារស្នាក់នៅមួយ ។
យោងតាមប្រភពព័ត៌មានជាច្រើនថា ការប្រយុទ្ធគ្នាយ៉ាងសាហាវនានា និងការបាញ់កាំភ្លើងយន្ត ក៏កើតមាននៅតំបន់លូហ្គាស្ក៍ផងដែរ។ ផ្នែកសារព័ត៌មានរបស់ក្រុមប្រឹក្សាក្រុងលូហ្គានស្ក៍អះអាងថា ជនស៊ីវិលយ៉ាងតិច៥នាក់បានត្រូវស្លាប់រយៈពេល២៤ម៉ោងចុងក្រោយនេះ ដោយសារការប៉ះទង្គិចគ្នាដើម្បីដណ្តើមត្រួតត្រាទីក្រុងនោះ ។យោងតាមសារព័ត៌មានអ៊ុយក្រែនថា ក្រុមអ្នកសើុបអង្កេតអន្តរជាតិត្រូវរារាំងជាថ្មីមិនអាចចូលទៅកន្លែងយន្តហោះម៉ាឡេស៊ីធ្លាក់ស្ថិតនៅមិនឆ្ងាយបុ៉ន្មានពីកន្លែងប្រយុទ្ធបង្ហូរឈាមគ្នា។
កងទ័ពអ៊ុយក្រែនបានធ្វើការវាយលុកចាប់ពីពាក់កណ្តាលខែមេសាមកប្រឆាំងពួកបះបោរដើម្បីដណ្តើមត្រួតត្រាបណ្តាទីក្រុងនៅភាគខាងកើតប្រទេស ។ យោងតាម អ.ស.ប ថា តុល្យការជនរងគ្រោះតាំងពីចាប់ផ្តើមជម្លោះមកឡើងដល់១.១២៩នាក់ស្លាប់ និង៣.៤៤២នាក់ត្រូវរបួស ។ អ៊ុយក្រែនប្រកាសថា ទាហានរបស់ខ្លួន៣២៥នាក់ និងកងឆ្មាំព្រំដែន២៧នាក់ស្លាប់ក្នុងជម្លោះ ៕
ចែករំលែកព័តមាននេះ