ហុងកុងៈ កាលពីពេលថ្មីៗនេះ ក្រុមហ៊ុន Huawei Technologies Co.,Ltd របស់ចិន បានថ្លែងថា ការបញ្ចូនទំនិញទូរស័ព្ទស្មាតហ្វូននៅក្នុងអំឡុងឆមាសទី១ ឆ្នាំ២០១៤ នេះបានកើនឡើង៦២% ពីមួយឆ្នាំទៅមួយឆ្នាំ ខណៈដែលខ្លួនបានដាក់ទិសដៅលើវិស័យទូរស័ព្ទស្មាតហ្វូនដែលមានតម្លៃថ្លៃជាងមុន និងបានគ្របដណ្ដប់ទីផ្សារដោយក្រុមហ៊ុន Samsung Electronic Co.,Ltd និង
ហុងកុងៈ កាលពីពេលថ្មីៗនេះ ក្រុមហ៊ុន Huawei Technologies Co.,Ltd របស់ចិន បានថ្លែងថា ការបញ្ចូនទំនិញទូរស័ព្ទស្មាតហ្វូននៅក្នុងអំឡុងឆមាសទី១ ឆ្នាំ២០១៤ នេះបានកើនឡើង៦២% ពីមួយឆ្នាំទៅមួយឆ្នាំ ខណៈដែលខ្លួនបានដាក់ទិសដៅលើវិស័យទូរស័ព្ទស្មាតហ្វូនដែលមានតម្លៃថ្លៃជាងមុន និងបានគ្របដណ្ដប់ទីផ្សារដោយក្រុមហ៊ុន Samsung Electronic Co.,Ltd និង Apple Inc. ។
នៅក្នុងអំឡុងពេល៦ខែដំបូង ឆ្នាំ២០១៤ ក្រុមហ៊ុន Huawei ដែលមានមូលដ្ឋាននៅទីក្រុងស៊ិនជិន បានលក់ចេញទូរស័ព្ទស្មាតហ្វូនទៅកាន់ទីផ្សារពិភពលោកបានចំនួន៣៤,២៧លានគ្រឿង ប្រមាណជា៤៣% នៃទិសដៅបញ្ចូនទំនិញឱ្យបាន៨០លានគ្រឿងប្រចាំឆ្នាំរបស់ខ្លួន នេះបើយោងតាមការគណនារបស់សារព័ត៌មាន Reuter ។
លោក Shao Yang អនុប្រធានផ្នែកទីផ្សារនៅក្នុងក្រុមការងារផ្នែកជំនួញរបស់អតិថិជនបានលើកឡើងថា «យើងបានចុះបញ្ជីនូវកំណើនលឿនជាងមុននៅក្នុងតំបន់មជ្ឈិមបូពា អាហ្វ្រិក និងអាមេរិកឡាទីន ជាមួយនឹងអត្រាកំណើន២៧៥% និង៥៥០% ពីមួយឆ្នាំទៅមួយឆ្នាំនៅក្នុងត្រីមាសទី២ ។ ជាមួយគ្នានេះដែរ ក្រុមហ៊ុនក៏បានប្រជែងជាមួយក្រុមហ៊ុនផលិតទូរស័ព្ទមួយចំនួនទៀតរបស់ចិនដូចជា Lenovo Group Ltd និង ZTE Group ដែលលក់ចេញទូរស័ព្ទស្មាតហ្វូនបាន២១លានគ្រឿងលើពិភពលោកនៅក្នុងត្រីមាសទី២គិតត្រឹមដំណាច់ខែមិថុនា និងកើនឡើង៨៥%ធៀបនឹងអំឡុងពេលដូចគ្នាកាលពីឆ្នាំ២០១៣ ។
ទោះជាយ៉ាងណា ក្រុមហ៊ុនបានបង្ហើបកាលពីដើមឆ្នាំនេះថា ក្នុងចំណោមទូរស័ព្ទស្មាតហ្វូន៨០លានគ្រឿង Huawei គ្រោងនឹងបញ្ជូនទំនិញក្នុងឆ្នាំ២០១៤នេះ ប្រមាណ២០%អាចជាមូ៉ដែលថ្នាក់កណ្ដាល និងថ្នាក់ខ្ពស់កើនឡើងពីបរិមាណ១៦%កាលពីឆ្នាំ២០១៣ ៕
ចែករំលែកព័តមាននេះ