ខេត្ដប៉ៃលិន ៖ កម្លាំងខណ្ឌរដ្ឋបាលព្រៃឈើប៉ៃលិនបានឆ្មក់ចូលក្នុងចម្ការតាង៉ែនមួយកន្លែងរកឃើញឈើប្រណីតជាច្រើនប្រភេទដូចជាឈើធ្នង់ចំនួន២៧ដុំ ជាង១ម៉ែត្រគូប នាងនួនចំនួន១៩ដុំ និងគ្រញូងចំនួន១៤ដុំ ដែលគេយកទៅគ្របទុកក្នុងតង់កៅស៊ូលាក់នៅក្នុងរោងចាំចម្ការមួយនេះ ស្ថិតក្នុងភូមិដីក្រហម សង្កាត់អូរតាវ៉ៅ ក្រុងប៉ៃលិន ។
ខេត្ដប៉ៃលិន ៖ កម្លាំងខណ្ឌរដ្ឋបាលព្រៃឈើប៉ៃលិនបានឆ្មក់ចូលក្នុងចម្ការតាង៉ែនមួយកន្លែងរកឃើញឈើប្រណីតជាច្រើនប្រភេទដូចជាឈើធ្នង់ចំនួន២៧ដុំ ជាង១ម៉ែត្រគូប នាងនួនចំនួន១៩ដុំ និងគ្រញូងចំនួន១៤ដុំ ដែលគេយកទៅគ្របទុកក្នុងតង់កៅស៊ូលាក់នៅក្នុងរោងចាំចម្ការមួយនេះ ស្ថិតក្នុងភូមិដីក្រហម សង្កាត់អូរតាវ៉ៅ ក្រុងប៉ៃលិន ។
ហេតុការណ៍ចុះបង្ក្រាបនេះបានធ្វើឡើងកាលពីវេលាម៉ោង២ និង៤០នាទីរសៀល ថ្ងៃទី២៨ កក្កដា ២០១៤ នៅក្នុងចំការតាង៉ែន ដែលមានម្ចាស់ឈ្មោះ ឃុន វណ្ណៈ រស់នៅភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ។ ប្រភពព័ត៌មានពីលោក មិន រ៉ាវុធ នាយសង្កាត់នៃខណ្ឌរដ្ឋបាលព្រៃឈើប៉ៃលិនបាន
រៀបរាប់ឱ្យដឹងថា ក្រោយពីទទួលបានព័ត៌មានពីបណ្តាញរាយការណ៍ថា មានគេយកឈើប្រណីតខាងលើទៅលាក់ទុកនៅក្នុងចម្ការ ទើបកម្លាំងខណ្ឌរដ្ឋបាលព្រៃឈើប៉ៃលិនបានរាយការណ៍ជូនទៅ លោក ជុំ សែនសទ្ធា ព្រះរាជអាជ្ញាអមសាលាដំបូងខេត្ត ហើយលោកព្រះរាជអាជ្ញាក៏បានដឹកនាំកម្លាំងខណ្ឌរដ្ឋបាលចំនួន៦នាក់ រួមទាំងកងកម្លាំងនគរបាលអន្តរាគមន៍នៃស្នងការខេត្តប៉ៃលិន ចុះទៅបង្ក្រាបឆែកឆេរនៅក្នុងចម្ការតាង៉ែនមួយកន្លែងនេះតែម្តង ដោយបានរកឃើញឈើប្រណីតដែលឈ្មួញបានយកទៅលាក់ទុកនៅក្នុងរោងចាំចំការខាងលើប្រហែលជាថ្មីៗកន្លងមក ។
ប្រភពបន្តទៀតថា ទាក់ទិនទៅនឹងបញ្ហាដែលគេលួចលាក់ទុកឈើប្រណីតប្រភេទនេះ ខាងលោកមិនទាន់ដឹងច្បាស់នៅឡើយទេ ដោយសារ ខណៈសមត្ថកិច្ចចុះទៅឆែកឆេរ អត់ឃើញមានមនុស្សណាម្នាក់ស្នាក់នៅនោះឡើយ ហើយនៅពេលនេះខណ្ឌរដ្ឋបាលកំពុងធ្វើការស្រាវជ្រាវបន្ត ដើម្បីរកម្ចាស់ឈើពិតប្រាកដ មកផ្តន្ទាទោសតាមច្បាប់ ៕
ចែករំលែកព័តមាននេះ