ខេត្តបាត់ដំបង ៖ យុវជនម្នាក់ត្រូវកម្លាំងកងរាជអាវុធហត្ថចាប់ខ្លួនក្រោយពីសង្ស័យថា បានប្រើកាំបិតភ្ជង់ និងចាប់អូសដៃនារីម្នាក់ដែលមានស្វាមីរួចហើយយកទៅរំលោភក្បែរមាត់អូរយ៉ាងព្រៃផ្សៃ កាលពីវេលាម៉ោង១០ និង១០នាទីយប់ ថ្ងៃទី២៨ កក្កដា ២០១៤ នៅក្នុងភូមិស្ពានយោល ឃុំជ្រៃសីម៉ា ស្រុកសំពៅលូន គ្រាដែលនាងកំពុងដេកជាមួយប្អូនៗ និងឪពុកក្មេកដែលសំរាននៅក្នុងផ្ទះនោះដែរ។
លោកគឹម វាសនា មេបញ្ជាការមូលដ្ធានកងរាជអាវុធហត្ថស្រុកសំពៅលូនបានឲ្យដឹងថា ជនសង្ស័យឈ្មោះអុល សុភ័ក្រ អាយុ២១ឆ្នាំ រីឯនារីរងគ្រោះអាយុ១៨ឆ្នាំ មានស្វាមីរួចហើយ។ លោកមេបញ្ជាការបានបញ្ជាក់ក្នុងរបាយការណ៏ថា ជនសង្ស័យបានប្រើកាំបិតខ្វែវចូលទៅភ្ជង់នាង គ្រាដែលនាងកំពុងដេកជាមួយប្អូនៗក្នុងមុង រួចចាប់អូសដៃនាងចេញពីក្នុងមុងទៅរំលោភក្បែរអូរ ដោយគំរាមសម្លាប់ទាំងរូបនាង ទាំងឪពុកក្មេកដែលដេកក្នុងផ្ទះនោះដែរ បើហ៊ានស្រែកឬបើកភ្លើងបំភ្លឺ។
ទីបំផុតនាងត្រូវយុវជននោះភ្ជង់នឹងកាំបិត រួចចាប់រំលោភរហូតបានសម្រេចយ៉ាងព្រៃផ្សៃ លុះនៅព្រឹកថ្ងៃទី២៩ កក្កដា ទើបកម្លាំងរបស់លោកចាប់ខ្លួនក្រោយពីស្ត្រីរងគ្រោះដាក់ពាក្យបណ្ដឹង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ