បន្ទាប់ពីឆ្លងកាត់ការធ្វើតេស្ដសុវត្ថិភាពរបស់វិទ្យាស្ថានធានារ៉ាប់រងសុវត្ថិភាពចរាចរណ៍ជើងគោករបស់សហរដ្ឋអាមេរិក(IIHS)បង្ហាញឱ្យឃើញថា នៅក្នុងឆ្នាំ២០១៤នេះស្ថាប័នចម្រាញ់បានរថយន្តSUVនិងCrossoverដប់ម៉ូដែលដែលជាប់ជារថយន្តមានប្រសិទ្ធភាពការពារសុវត្ថិភាពលំដាប់កំពូលផុតលេខដូចតទៅ ៖
១- Volvo XC60 : អ្វីដែលមិនមានការភ្ញាក់ផ្អើលនោះគឺរថយន្តនេះពុំមានផ្ដល់នូវប្រព័ន្ធព្រមានពីការបុកទង្គិចនៅខាងមុខឡើយដើម្បីនឹងទទួលបានអត្រាសុវត្ថិភាពលំដាប់កំពូលផុតលេខពីIIHS។ សម្រាប់ម៉ូដែលឆ្នាំ២០១៥Volvo បានUpdateប្រព័ន្ធម៉ាស៊ីនរបស់ខ្លួនជាមួយនឹងការមកដល់នៃម៉ាស៊ីនប្រភេទTurbochargeទំហំ២,០លីត្រ ៤ស៊ីឡាំងផ្ដល់ថាមពល២៤០សេះនិងកម្លាំងរមួល២៥៨ផោនហ្វ៊ីត ។
២-Toyota Highlander : វាអាចនឹងជាជម្រើសរបស់លោកអ្នកប្រសិនបើលោកអ្នកចង់បានរថយន្តដែលអាចគួរឱ្យទុកចិត្តនិងជឿជាក់បាន ។
៣-Subaru Forester : ជារថយន្តSUV ធុនតូចក្នុងចំណោមរថយន្តដែលស័ក្ដិសមនិងមានសុវត្ថិភាពបំផុតនៅលើទីផ្សារបច្ចុប្បន្ន ។
៤- Nissan Rogue : មានការកែប្រែថ្មីសម្រាប់ម៉ូដែល២០១៤ គ្រប់សែស្រឡាយរបស់វាគឺមានការកោតសរសើរមិនដាច់ពីមាត់ពីលំដាប់ថ្នាក់ល្អបំផុតនិងសុវត្ថិភាពបំផុត ។
៥- Mitsubishi Outlander : រថយន្តនេះបានជាប់ចំណាត់ថ្នាក់សុវត្ថិភាពខ្ពស់បំផុត២ឆ្នាំហើយជាមួយនឹងម៉ាស៊ីនស្ដង់ដា២,៤លីត្រ ៤ស៊ីឡាំងផ្ដល់ថាមពល១៦៦សេះនិងកម្លាំងរមួល១៦២ផោនហ្វ៊ីត ។
៦- Mercedes-Benz M-Class : ប្រសិនបើលោកអ្នករកមើលទិញរថយន្តប្រណីតប្រភេទSUVនិងមានសុវត្ថិភាពកុំភ្លេចM-Classដែលជាម៉ូដែលជាប់លំដាប់ថ្នាក់កំពូលផុតលេខនៃលក្ខណៈការពារសុវត្ថិភាពដល់អ្នកដំណើរក្នុងរថយន្ត ។
៧- Mazda CX-5 : ក៏មិនចាញ់M-Class ប៉ុន្មានដែរគឺទទួលបានចំណាត់ថ្នាក់ជារថយន្តមានសុវត្ថិភាពលំដាប់កំពូលផុតលេខពីIIHS ផងដែរ ។
៨- GMC Terrain : ជារថយន្តSUVធុនតូចដែលប្រើប្រាស់ម៉ាស៊ីនស្ដង់ដាដូចChevrolet Equinox ដែរក៏ប៉ុន្តែTerrain មានកម្លាំងម៉ាស៊ីនខ្លាំងជាងនិងមានសុវត្ថិភាពខ្ពស់ ។
៩- Chevrolet Equinox : ជារថយន្តប្រភេទCrossover ដែលស៊ីសាំងតិចនិងមានសុវត្ថិភាពខ្ពស់សម្រាប់អតិថិជន ។
១០- Acura MDX : ទទួលបានអត្រាសុវត្ថិភាពខ្ពស់បំផុតពីIIHS ហើយថ្មីៗនេះក្រុមហ៊ុនប្រកាសពីការបំពាក់បច្ចេកវិទ្យាការពារសុវត្ថិភាពលំដាប់កំពូលទាំងនោះទៅលើម៉ូដែល២០១៥ផងដែរ ៕
ចែករំលែកព័តមាននេះ