រាជធានីភ្នំពេញ ៖ រថយន្ត FORD មួយគ្រឿងម្ចាស់ងោកមួយភាំងបើកទៅបុករបាំងថ្មពំុះចែកទ្រូងផ្លូវបាក់អស់ចំនួន២កង់ បណ្តាលរថយន្តផ្អៀងប៉ះជើងទៅចំហៀងសំណាងល្អអ្នកបើកបររងរបួសស្រាល ។ ហេតុការណ៍នេះកើតឡើងកាលពីវេលាម៉ោង ១និង៣០នាទីរំលងអាធ្រាត្រឈានចូលថ្ងៃ ទី៣០ កក្កដា ២០១៤នៅចំណុច
រាជធានីភ្នំពេញ ៖ រថយន្ត FORD មួយគ្រឿងម្ចាស់ងោកមួយភាំងបើកទៅបុករបាំងថ្មពុះចែកទ្រូងផ្លូវបាក់អស់ចំនួន២កង់ បណ្តាលរថយន្តផ្អៀងប៉ះជើងទៅចំហៀងសំណាងល្អអ្នកបើកបររងរបួសស្រាល ។ ហេតុការណ៍នេះកើតឡើងកាលពីវេលាម៉ោង ១និង៣០នាទីរំលងអាធ្រាត្រឈានចូលថ្ងៃ ទី៣០ កក្កដា ២០១៤នៅចំណុចមុខបណ្តាល័យសម្តេចហ៊ុន សែន តាមផ្លួវ៥៩៨ ស្ថិតក្នុងសង្កាត់ទឹកល្អក់ទី១ ខណ្ឌទួលគោក ។
បុរសម្ចាស់រថយន្តរងគ្រោះឈ្មោះ វិ ភា អាយុ២៩ឆ្នាំ មុខរបរជាវិស្វករ រស់នៅក្នុងសង្កាត់ភ្នំពេញថ្មី ខណ្ឌសែនសុខ ។
បើតាមសម្តីជនរងគ្រោះបានឱ្យដឹងថា នៅមុនពេលកើតហេតុខ្លួនបានបើករថយន្ត FORDមួយគ្រឿង ពណ៌ទឹកប្រាក់ ពាក់ស្លាកលេខភ្នំពេញ2I-7899 ចេញពីហាងផឹកស៊ីមួយកន្លែងនៅម្តុំមាត់ទន្លេ ហើយក៏ធ្វើដំណើរត្រឡប់មកផ្ទះវិញស្រាប់តែមកដល់ចំណុចកើតហេតុខ្លួនបានងោកមួយភាំង ក៏ជ្រុលចង្កូតបុករបាំងថ្មបណ្តាលឱ្យរថយន្តរបស់គាត់ផ្អៀងតែម្តង តែសំណាងល្អគាត់រងរបួសស្រាល ។
ក្រោយពេលកើតហេតុសមត្ថកិច្ចបានមកវាស់វែងយករថយន្តបង្កទៅទុកនៅការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញ ដើម្បីដោះស្រាយគ្នាតាមនិតិវិធីច្បាប់ ។
ចែករំលែកព័តមាននេះ