រាជធានីភ្នំពេញ ៖ រថយន្តក្រឡុកស៊ីម៉ង់ត៍មួយគ្រឿង បើកឡើងផ្លូវជ្រុលទៅបុកនិងកិនពីលើម៉ូតូគុបជ្រុងសេ៩០មួយគ្រឿង បណ្តាលឱ្យបុរសម្នាក់រងរបួសធ្ងន់ហើយអ្នកបើករថយន្តព្យាយាមបើករថយន្តគេចបានប្រហែល១០ម៉េត្រ ក៏បានបើកទ្វាររថយន្តចុះគេចខ្លួនតែម្តង។ ហេតុការណ៍នេះកើតឡើងកាលពីវេលាម៉ោង៩
រាជធានីភ្នំពេញ ៖ រថយន្តក្រឡុកស៊ីម៉ង់ត៍មួយគ្រឿង បើកឡើងផ្លូវជ្រុលទៅបុកនិងកិនពីលើម៉ូតូគុបជ្រុងសេ៩០មួយគ្រឿង បណ្តាលឱ្យបុរសម្នាក់រងរបួសធ្ងន់ហើយអ្នកបើករថយន្តព្យាយាមបើករថយន្តគេចបានប្រហែល១០ម៉េត្រ ក៏បានបើកទ្វាររថយន្តចុះគេចខ្លួនតែម្តង។ ហេតុការណ៍នេះកើតឡើងកាលពីវេលាម៉ោង៩ យប់ ថ្ងៃទី២៩ កក្កដា ២០១៤ នៅចំណុចផ្លូវសហព័ន្ធរុស្ស៊ីកែងនិងផ្លូវវិមានសព ស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានបានឱ្យដឹងថា នៅមុនពេលកើតហេតុ គេឃើញរថយន្តក្រឡុកស៊ីម៉ង់មួយគ្រឿង ពណ៌លឿងពាក់ស្លាកលេខភ្នំពេញ5A-0531 បើកដោយបុរសម្នាក់ តាមផ្លូវវិមានសព មកចំណុចកើតហេតុក៏បានបើកឡើងផ្លូវសហព័ន្ធរុស្ស៊ី បានមកបុកនិងកិនពីលើម៉ូតូគុបជ្រុងសេ៩០ ពណ៌ទឹកប៊ិច ពាក់ស្លាកលេខភ្នំពេញ 1CA-7662 ជិះដោយបុរសម្នាក់ ធ្វើដំណើរតាមផ្លូវសហព័ន្ធរុស្ស៊ី ក្នុងទិសដៅពីកើតទៅលិច បណ្តាលឱ្យខ្ទេចម៉ូតូ និងបុរសម្នាក់រងរបួសធ្ងន់ ។ បន្ទាប់បើកកិនម៉ូតូហើយ អ្នកបើករថយន្តបានរីយ៉ែថយក្រោយកិនម្តងទៀត និងបានបើកទៅមុខបានប្រហែល១០ម៉ែត្រ ក៏បើកទ្វាររថយន្តគេចខ្លួនតែម្តង ។
ក្រោយពេលកើតហេតុជនរងគ្រោះត្រូវគេបញ្ជូនទៅសង្រ្គោះនៅមន្ទីរពេទ្យ ចំណែករថយន្តនិងម៉ូតូត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌពោធិ៍សែនជ័យដើម្បីដោះស្រាយតាមក្រោយ ។
ចែករំលែកព័តមាននេះ