រាជធានីភ្នំពេញ ៖ ប៉ូលិសក្រសួងមហាផ្ទៃសហការជាមួយអង្គការ និងអាជ្ញាធរដែនដី ដែលដឹកនាំដោយលោក មាស ចន្ទ័ពិដិដ្ឋ ព្រះរាជអាជ្ញារអមសាលាដំបូងរាជធានីភ្នំពេញ បានចុះប្រតិបត្តិការឆែកឆេរនៅក្នុងភូមិគ្រឹះលេខ១៩ ផ្លូវលេខ២៦៥ ( សំណង់១២ )សង្ស័យជាប់ ពាក់ព័ន្ឋនឹងការប្រើអំពើហិ.ង្សាធ្វើទារុណកម្មលើក្មេង
រាជធានីភ្នំពេញ ៖ ប៉ូលិសក្រសួងមហាផ្ទៃសហការជាមួយអង្គការ និងអាជ្ញាធរដែនដី ដែលដឹកនាំដោយលោក មាស ចន្ទ័ពិសិដ្ឋ ព្រះរាជអាជ្ញារអមសាលាដំបូងរាជធានីភ្នំពេញ បានចុះប្រតិបត្តិការឆែកឆេរនៅក្នុងភូមិគ្រឹះលេខ១៩ ផ្លូវលេខ២៦៥ ( សំណង់១២ )សង្ស័យជាប់ ពាក់ព័ន្ឋនឹងការប្រើអំពើហិង្សាធ្វើទារុណកម្មលើក្មេងប្រុសម្នាក់ និងប៉ុនប៉ងរំលោភសេពសន្ថវៈទៅលើក្មេងស្រី ។
ប្រតិបត្តិការចុះឆែកឆេរនេះបានប្រើពេលអស់ជាង៥ម៉ោង ដោយផ្តើមឆែកឆេរចាប់ពីម៉ោង ៣និង៣០នាទីរសៀល និងបញ្ចប់ការឆែកឆេរនៅវេលាម៉ោងជាង៨យប់ ថ្ងៃទី ២៩ កក្កដា ២០១៤នេះដោយឃាត់ខ្លួនមនុស្សរស់នៅក្នុងភូមិគ្រឹះខាងលើចំនួន៥នាក់១.ឈ្មោះ សឿង ហឿង ភេទប្រុស អាយុ៦៥ឆ្នាំជាម្ចាស់ភូមិគ្រឹះ ,ទី២.ឈ្មោះ តាំង គឹមម៉ុង ជាប្រពន្ធ , ទី៣. ឈ្មោះ សឿង រដ្ឋា ភេទប្រុស អាយុ៣៦ឆ្នាំ,ទី៤.ឈ្មោះគឺទៀង និងទី៥. ឈ្មោះ យ៉ែម ប៊ុនធឿន អាយុ៣៥ឆ្នាំ ។ទាក់ទិនទៅនឹងប្រតិបត្តិការឆែកឆេរខាងលើគឺធ្វើឡើងតាមដីកា លេខ១០៧៨៣ ដោយចោទប្រកាន់ម្ចាស់ផ្ទះ ពីបទបង្ខាំងមនុស្សខុសច្បាប់ ធ្វើទារុណកម្មនិងប៉ុនប៉ងរំលោភ។
បើតាមពាក្យសម្តីរបស់ស្រ្តីឈ្មោះប៉ែន ធុច អាយុ២២ឆ្នាំ រស់នៅក្នុងភូមិកណ្តួត ស្រុកស្វាយលើ ខេត្តសៀមរាបនិងជាបងរបស់ក្មេងរងគ្រោះ បានប្តឹងទៅ ឈ្មោះ សឿង ហឿង និងឈ្មោះតាំង គឹមម៉ុង ជាម្ចាស់ភូមិគ្រឹះលេខ១៩ ផ្លូវលេខ២៦៥។ តាមប្រភពព័ត៌មានបានឱ្យដឹងថា ប្អូនស្ត្រីខាងលើចំនួន៣នាក់ បងប្អូនដែលមានឈ្មោះទី១.ឈ្មោះប៉ែន ចាង ភេទប្រុស អាយុ១១ឆ្នាំ ទី២. ប៉ែន កា ភេទប្រុស អាយុ១០ឆ្នាំនិងទី៣.ឈ្មោះ ប៉ែន សុធី ភេទស្រី មកស្នាក់នៅបំរើការក្នុងផ្ទះលោកឧកញ្ញាខាងលើ ។ប្រភពព័ត៌មានបានបន្តឱ្យដឹងថា ម្ចាស់ភូមិគ្រឹះខាងលើបានវាយធ្វើបានប្អូនរបស់នាងដោយឆក់និងខ្សែភ្លើង ហើយក្នុងនោះផងដែរកូនប្រុសទី២ របស់ម្ចាស់ភូមិគ្រឹះ ឈ្មោះ ហឿង រតនា បានចាប់រំលោភ ប្អូនស្រីរបស់នាង រហូតមានផ្ទៃពោះ ព្រមទាំងបង្ខំឱ្យប្អូនស្រីរបស់នាងយកកូនចេញទៀតផង ។ ដោយសារតែការភ័យខ្លាចនិងទ្រាំមិនបាននៅការធ្វើទារុណកម្ម ប្អូនប្រុសរបស់នាងពីរនាក់ ក៏នាំគ្នាលួចរត់ចេញទៅរកនាងជាបងស្រីដោយនិយាយប្រាប់រឿងរ៉ាវនេះដល់នាង ហើយនាងក៏បានប្តឹងទៅអង្គការនិងបានប្តឹងបន្តទៅប៉ូលិសក្រសួងមហាផ្ទៃចុះប្រតិបត្តិការឆែកឆេរភូមិគ្រឹះរបស់ឧកញ្ញាខាងលើតែម្តង រហូតរកឃើញក្មេងស្រីរងគ្រោះត្រូវគេដាក់បង្ខាំងក្នុងបន្ទប់ ព្រមទាំងរកឃើញកាំភ្លើងខ្លី មួយដើមរួមជាមួយ អាវនគរបាលនិងអាវយោធាថ្នាក់ឧត្តមសេនីយ៍ មួយចំនួន ហើយក៏ឃាត់ខ្លួនបានមនុស្ស៥នាក់ដោយការឃាត់ខ្លួននេះសមត្ថកិច្ចហាក់ដូចជាមានការលាក់លៀមផងដែរ។
បច្ចុប្បន្ន មនុស្សទាំង៥នាក់ដែលឃាត់ត្រូវកម្លាំងសមត្ថកិច្ចនគរបាលការិយាល័យព្រហ្មទណ្ឌកំរិតធ្ងន់នៃនាយកដ្ឋានព្រហ្មទណ្ឌក្រសួងមហាផ្ទៃនាំខ្លួនមកសួរនាំ។
ចែករំលែកព័តមាននេះ