មនុស្សគ្រប់រូបសង្ឃឹមចង់បានគភ៌ និងការសម្រាលកូនដែលដំណើរការដោយរលូន។ ប៉ុន្ដែមានស្ថានភាពមួយចំនួនដែលនាំឱ្យមានគ្រោះថ្នាក់ខ្ពស់ជាងធម្មតាដល់ម្ដាយគភ៌កំពុងលូតលាស់ ឬទាំងម្ដាយ និងគភ៌ ក្នុងអំឡុងពេលមានគភ៌ និងសម្រាលកូន។ គភ៌ដែលរងការប៉ះពាល់ដោយសារស្ថានភាពទាំងនេះត្រូវបានហៅថា គភ៌មានវិបត្ដិ។
មនុស្សគ្រប់រូបសង្ឃឹមចង់បានគភ៌ និងការសម្រាលកូនដែលដំណើរការដោយរលូន។ ប៉ុន្ដែមានស្ថានភាពមួយចំនួនដែលនាំឱ្យមានគ្រោះថ្នាក់ខ្ពស់ជាងធម្មតាដល់ម្ដាយគភ៌កំពុងលូតលាស់ ឬទាំងម្ដាយ និងគភ៌ ក្នុងអំឡុងពេលមានគភ៌ និងសម្រាលកូន។ គភ៌ដែលរងការប៉ះពាល់ដោយសារស្ថានភាពទាំងនេះត្រូវបានហៅថា គភ៌មានវិបត្ដិ។
ស្ថានភាពទាំងនេះ មួយចំនួនអាចមានភាពច្បាស់លាស់។ ស្ថានភាពទូទៅបំផុត គឺអាយុម្ដាយច្រើន ឬស្ដ្រីនឹងក្លាយជាម្ដាយមានអាយុ៣៥ឆ្នាំ ឬច្រើនជាងនេះ នៅពេលសម្រាលកូន។ ប៉ុន្ដែស្ថានភាពជាច្រើនមិនមានភាពច្បាស់លាស់ដូច្នេះទេ និងមិនត្រូវបានធ្វើរោគវិនិច្ឆ័យឡើយ លើកលែងតែការធ្វើតេស្ដជាក់លាក់ត្រូវបានធ្វើឡើង។ ទោះបីជាគភ៌ និងការសម្រាលកូនភាគច្រើននឹងមិនមានផលវិបាកក៏ដោយ ពេលខ្លះផលវិបាកបានកើតឡើងទៅលើម្ដាយ អនាគតដែលត្រូវបានរំពឹងតិចបំផុត។ ឧទាហរណ៍ ស្ដ្រីវ័យក្មេងមានសុខភាពល្អម្នាក់ ដែលមិនធ្លាប់មានបញ្ហាវេជ្ជសាស្ដ្រពី មុន ដែលមានគភ៌កូនដំបូងរបស់នាង អាចមានជំងឺប្រកាច់ព្រាយក្រឡាភ្លើងេះ ចំពោះការមានគភ៌នៅអាយុច្រើនភ្លាមៗ ដែលបង្កការគំរាមកំហែងដល់ជីវិត (សម្ពាធឈាមខ្ពស់ក្នុងពេលមានគភ៌)។
សំណាងល្អ ប្រសិនបើត្រូវបានគ្រប់គ្រងយ៉ាងត្រឹមត្រូវ គភ៌មានវិបត្ដិជាច្រើននឹងនៅតែបញ្ចប់ទៅវិញ ដោយការសម្រាល កូនដែលមានសុខភាពល្អយ៉ាងជោគជ័យ។
ស្ថានភាពដែលបង្កីនការប្រឈមនឹងផលវិបាកក្នុងពេលមានគភ៌
ស្ថានភាពទាំងអស់ដែលបង្កើនការប្រឈមនឹងផលវិបាកក្នុងពេលមានគភ៌ និងសម្រាលកូន អាចត្រូវបានបែងចែកទៅតាមប្រភេទម្ដាយ (កត្ដាដែលកើតឡើងពីម្ដាយ) ឬគភ៌ (កត្ដាដែលកើតឡើងពីទារកដែលជិតកើត)។
កត្ដាម្ដាយរួមមានអាយុតិចជ្រុល ឬច្រើនជ្រុល (តិចជាង១៥ឆ្នាំ ច្រើនជាង៣៥ឆ្នាំ) ប្រវត្ដិធ្លាប់មានផលវិបាកក្នុងពេលមានគភ៌មុនៗ ដែលរួមមានការរលូតកូនច្រើនដង ការសម្រាលកូនមិនគ្រប់ខែ កូនកើតស្លាប់ កូនតូចមិនប្រក្រតីក្នុងគភ៌ កូនធំមិនប្រក្រតីក្នុងគភ៌ ប្រវត្ដិជំងឺ ដូចជា ឆ្កួតជ្រូក សម្ពាធឈាមខ្ពស់ ជំងឺតម្រងនោមរ៉ាំរ៉ៃ ដុំសាច់នៅសាច់ស្បូន ប្រវត្ដិ ជំងឺទឹកនោមផ្អែមរបស់គ្រួសារ កូនមិនប្រក្រតី។ល។
កត្ដាគភ៌រួមមានគភ៌ច្រើន ដូចជា ភ្លោះពីរ ភ្លោះបី ម្ដាយប្រឈមនឹងជំងឺឆ្លង (ដូចជា ជំងឺស្អូច អុតស្វាយ។ល។) សារធាតុ ញៀន (ដូចជា គ្រឿងស្រវឹង ការជក់បារី គ្រឿងញៀនប្រើម្ដងម្កាល) ឱសថដែលអាចបំផ្លាញគភ៌ដែលកំពុងលូតលាស់ (warfarin, norethisteroneetc) និងគភ៌ដែលត្រូវបានធ្វើរោគវិនិច្ឆ័យថាមានបញ្ហាសុខភាពធ្ងន់ធ្ងរ (ដូចជា ការខូច ទ្រង់ទ្រាយបេះដូងពីកំណើត)។
ការបង្ការ
ការពិនិត្យមុនពេលមានគភ៌ ដោយគ្រូពេទ្យឯកទេសរោគស្ដ្រីត្រូវបានណែនាំសម្រាប់ស្ដ្រីគ្រប់រូប ដែលមានគម្រោងចង់មានគភ៌ ជាពិសេសសម្រាប់អ្នកដែលមានបញ្ហាវេជ្ជសាស្ដ្រ ប្រវត្ដិមានផលវិបាកនៅពេលមានគភ៌មុនៗ ឬប្រវត្ដិមានកូនមិន ប្រក្រតីរបស់គ្រួសារ។
គ្រូពេទ្យឯកទេសរោគស្ដ្រីនឹងពិភាក្សាជាមួយស្ដ្រីថា តើស្ថានភាពទាំងនោះនឹងប៉ះពាល់ដល់គភ៌អនាគតយ៉ាងដូចម្ដេច។ សម្រាប់ស្ដ្រីដែលមានស្ថានភាពវេជ្ជសាស្ដ្រពីមុនរួចជាស្រេច-តើស្ថានភាពនោះមានផលប៉ះពាល់អវិជ្ជមានទៅលើគភ៌ និងបញ្ច្រាស់មកវិញដែរឬទេ ? តើស្ដ្រីត្រូវផ្លាស់ប្ដូរឱសថបច្ចុប្បន្នរបស់នាងមុនពេលមានគភ៌ដែរឬទេ ? សម្រាប់ស្ដ្រីដែលមានប្រវត្ដិ មានកូនមិនប្រក្រតី – តើអ្វីជាឱកាសនៃការកើតឡើងវិញ ? តើមានការធ្វើរោគវិនិច្ឆ័យមុនកំណើតដែរឬទេ ? តើវាអាចចៀសវាងបានដែរឬទេ ?
សម្រាប់ស្ដ្រីម្នាក់ដែលមិនធ្លាប់ពិនិត្យសុខភាពមុនពេលមានគភ៌ នាងគួរពិគ្រោះជាមួយគ្រូពេទ្យឯកទេសរោគស្ដ្រីភ្លាមៗ នៅពេលនាងដឹងថានាងមានគភ៌។
ការថតអេកូមិនត្រឹមតែអាចធ្វើឡើងដើម្បីបញ្ជាក់ថា គភ៌កំពុងលូតលាស់បានល្អនៅក្នុងទីតាំងត្រឹមត្រូវប៉ុណ្ណោះទេ វាអាចជាឱកាសដើម្បីបញ្ជាក់ជាមួយគ្រូពេទ្យឯកទេសរោគស្ដ្រីអំពីគ្រោះថ្នាក់មានមុនរួចជាស្រេច ឬអាចកើតឡើងចំពោះគភ៌ និងអំពីរបៀបកាត់បន្ថយគ្រោះថ្នាក់ទាំងនោះ។
សេចក្ដីសន្និដ្ឋាន
ការមានគភ៌ គឺជាដំណើរការសរីសាស្ដ្រធម្មជាតិមួយនៅក្នុងជីវិត។ យើងគ្រប់គ្នាមិនគួរចាត់ទុកការមានគភ៌ថា ជាជំងឺនោះទេ និងគួរមានការប្រុងប្រយ័ត្នខ្ពស់។ ប៉ុន្ដែយើងគ្រប់គ្នាមិនគួរសន្មតថា អ្វីៗទាំងអស់នឹងដំណើរការយ៉ាងរលូន និងមើលរំលងសារសំខាន់នៃការពិនិត្យមុនកំណើតឡើយ។ មានតែតាមរយៈការពិនិត្យជាទៀងទាត់ និងការធ្វើតេស្ដជាប្រចាំប៉ុណ្ណោះ ទើបយើងគ្រប់គ្នាអាចមានភាពប្រាកថា គភ៌កំពុងវិវត្ដជាធម្មតា។
ប្រសិនបើផលវិបាកណាមួយត្រូវបានរកឃើញ ការគ្រប់គ្រងត្រឹមត្រូវដែលត្រូវបានចាប់ផ្ដើមយ៉ាងទាន់ពេលវេលា នឹងធានាបានជាទូទៅនូវសុខភាព និងសុវត្ថិភាពរបស់ម្ដាយ និងកូន។
មានតែនៅពេលរក្សាបាននូវសុខុមាលភាពរបស់ម្ដាយ និងទារកប៉ុណ្ណោះ ទើបយើងគ្រប់គ្នាទទួលបានភាពរីករាយយ៉ាង ពិតប្រាកដពីបទពិសោធន៍នៃការមានគភ៌ដ៏អស្ចារ្យ។
រៀបរាងដោយវេជ្ជបណ្ឌិត Chee Jing Jye នាយកវេជ្ជសាស្ដ្រនៃមជ្ឈមណ្ឌលសម្ភព និងរោគស្ដ្រី Singapore Medical Group (SMG) ។
វេជ្ជបណ្ឌិត Chee Jing Jye
MBBS (សិង្ហបុរី) MRCOG (ចក្រភពអង់គ្លេស) FAMS
វេជ្ជបណ្ឌិត Chee Jing Jye គឺជាគ្រូពេទ្យឯកទេសផ្នែកសម្ភព និងរោគស្ដ្រីម្នាក់ ដែលធ្វើការយ៉ាងជិតស្និទ្ធផ្នែកវេជ្ជសាស្ដ្រ មាតា និងទារក ដោយមានជំនាញនៅក្នុងវិស័យផ្សេងៗ ដូចជា ការពិនិត្យនៅត្រីមាសទីមួយរកមើលជំងឺគ្រាសកន្លង និង គភ៌មានវិបត្ដិ។
បន្ទប់ព្យាបាលបច្ចុប្បន្នរបស់គាត់រួមមានផ្នែកសម្ភព និងរោគស្ដ្រីទូទៅដែលផ្ដល់សេវាសម្ភព និងរោគស្ដ្រីច្រើនប្រភេទដល់ស្ដ្រីគ្រប់វ័យ ដោយប្រើបច្ចេកទេសធ្វើរោគវិនិច្ឆ័យ និងព្យាបាលទំនើប។
វេជ្ជបណ្ឌិត Chee ត្រូវបានទទួលស្គាល់ដោយមូលនិធិវេជ្ជសាស្ដ្រទារក ដើម្បីធ្វើការស្កែន Nuchal Translucency សម្រាប់ការពិនិត្យនៅត្រីមាសទីមួយរកមើលជំងឺគ្រាសកន្លង និងត្រូវបានអនុញ្ញាតឱ្យធ្វើការថតអេកូផ្ទៃពោះទំនើប ដោយមន្ទីរពេទ្យ KK ប្រទេសសិង្ហបុរី។
អំពីស៊ីងហ្គាពួរមេឌីខលគ្រូបSingapore Medical Group (អេសអឹមជី – SMG)
ស៊ីងហ្គាពួរមេឌីខលគ្រូប Singapore Medical Group (អេសអឹមជី – SMG) គឺជាអ្នកផ្ដល់ការថែទាំសុខភាព ឯកទេសឯកជនមួយដែលមានបណ្ដាញគ្រួពេទ្យឯកទេសចំនួន២២ ។ ក្រុមការងារនេះប្ដេជ្ញាចិត្ដបំពេញ ការសន្យារបស់ខ្លួនក្នុងការផ្ដល់ការថែទាំ និងបទពិសោធន៍ ផ្នែកវេជ្ជសាស្ដ្រដោយផ្ដោតលើអ្នកជំងឺ ដល់បុគ្គលគ្រប់រូប។
បច្ចុប្បន្ន ក្រុមការងារនេះមានគ្លីនិកសរុបចំនួន១៤កន្លែង ដែលមានទីតាំងយុទ្ធសាស្ដ្រនៅក្នុង Paragon មជ្ឈមណ្ឌលឯកទេស Mount Elizabeth Novena មជ្ឈមណ្ឌលវេជ្ជសាស្ដ្រ Novena និងមជ្ឈមណ្ឌលវេជ្ជសាស្ដ្រ Gleneagles ដែលមានបណ្ដាញគ្លីនិក SMGAssociates កាន់តែច្រើនឡើងៗ។
អេសអឹមជី មានភ្នាក់ងារខ្មែរពិសេសសម្រាប់ជួយលោកអ្នកទៅតាមតម្រូវការ ដូចជាៈ
* ការណាត់ជួបជាមួយវេជ្ជបណ្ឌិតជំនាញ
* ការសាកសួរព័តមាន និងតម្លៃ
* ការធ្វើដំណើរ និងការស្នាក់នៅ
* ការទទួលនៅអាកាសយាន្ដដ្ឋាន និងការបញ្ជូនមកកាន់មន្ទីរពេទ្យ
* សេវាកម្មបកប្រែដោយឥតគិតថ្លៃ
* ការស្នើរសុំលទ្ធផលព្យាបាល និងការទិញថ្នាំ
សំរាប់ព័ត៌មានបន្ថែម សូមទំនាក់ទំនង
បុគ្គលិកខ្មែរប្រចាំ អេសអឹមជី (SMG)
ទូរស័ព្ទទំនាក់ទំនង២៤ម៉ោង ៖ +៦៥ ៩៨៤២ ៣៥៦០
អ៊ីម៉េល ៖ vanessa.sophors@smg.sg
ទីស្នាក់ការ ស៊ីងហ្គាពួរមេឌីខលគ្រូប Singapore Medical Group (អេសអឹមជី – SMG) ប្រចាំនៅកម្ពុជា
ទូរស័ព្ទ ៖ ០៩២ ៨៥២ ៩២៣ ០៩៧៧ ៦៦៨ ២៦៦
អីុិម៉េល ៖ enquiry@medrefint.com
វែបសាយ ៖ www.singaporemedical.sg
ចែករំលែកព័តមាននេះ