តាមប្រភពព័ត៌មានពីគេហទំព័របរទេសចេញផ្សាយកាលពីថ្ងៃអង្គារ ទី២៩ កក្កដា ឆ្នាំ២០១៤ បានឱ្យដឹងថា កីឡាកររូ៉ណាល់ដូ ទទួលបានពានរង្វាន់ “The Goal 50 Award” សម្រាប់ឆ្នាំ២០១៣-២០១៤ ។ ពានរង្វាន់ The Goal 50 Award គឺសម្រាប់ផ្តល់ឱ្យដល់កីឡាករណាដែលរកគ្រាប់បាល់បានចាប់ពី៥០គ្រាប់ឡើងទៅក្នុងមួយរដូវកាល ។
កីឡាកររូ៉ណាល់ដូ ទទួលពានរង្វាន់ពីលោក Graham Shaw នាយកក្លិបសារព័ត៌មាន ដែលមានមូលដ្ឋាននៅសហរដ្ឋអាមេរិក ។ កីឡាករសញ្ជាតិព័រទុយហ្គាល់រូបនេះស៊ុតបាល់បញ្ចូលទីបាន៥១គ្រាប់ឱ្យក្លិប Real M ក្នុងរដូវកាល២០១៣-២០១៤ ។ បន្ទាប់ពីទទួលបានពានរង្វាន់ កីឡាកររូ៉ណាល់ដូ បានសម្តែងក្តីសប្បាយរីករាយយ៉ាងខ្លាំងដោយនិយាយថា ៖ «វាគឺជាមហាកិត្តិយសសម្រាប់រូបខ្ញុំ ដែលទទួលបានពានរង្វាន់នេះ ខ្ញុំសូមសម្តែងនូវការដឹងគុណដល់អ្នកគាំទ្រទាំងអស់របស់ខ្ញុំ» ៕
ចែករំលែកព័តមាននេះ