រាជធានីភ្នំពេញ ៖ បុរសម្នាក់បានរងរបួសធ្ងន់ធ្ងរបន្ទាប់ពីបើកម៉ូតូទៅបុកចំពីក្រោយរថយន្តដឹកដីបែកកកង់ចតចោលនៅលើផ្លូវពេញទំហឹង។ ហេតុការណ៍នេះកើតឡើងកាលពីវេលាម៉ោង១២ និង ៣០នាទីរំលងអាធ្រាត ឈានចូល ថ្ងៃទី ២៩ កក្កដា ២០១៤ នៅចំណុចមុខក្រុមហ៊ុនប្រេងឥន្ធនះកាល់តិច តាមបណ្តោយផ្លូវជាតិ
រាជធានីភ្នំពេញ ៖ បុរសម្នាក់បានរងរបួសធ្ងន់ធ្ងរបន្ទាប់ពីបើកម៉ូតូទៅបុកចំពីក្រោយរថយន្តដឹកដីបែកកកង់ចតចោលនៅលើផ្លូវពេញទំហឹង។ ហេតុការណ៍នេះកើតឡើងកាលពីវេលាម៉ោង១២ និង ៣០នាទីរំលងអាធ្រាត ឈានចូល ថ្ងៃទី ២៩ កក្កដា ២០១៤ នៅចំណុចមុខក្រុមហ៊ុនប្រេងឥន្ធនះកាល់តិច តាមបណ្តោយផ្លូវជាតិលេខ៥ ស្ថិតក្នុងសង្កាត់ឬស្សីកែវ ខណ្ឌឬស្សីកែវ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញម៉ូតូសង់ការេ ពណ៌ក្រហម មួយគ្រឿងពាក់ស្លាកលេខស្វាយរៀង1C-7682 ជិះដោយបុរសម្នាក់តាមផ្លូវជាតិលេខ៥ ក្នុងទិសដៅពីជើងទៅត្បូង មកដល់ចំណុចកើតហេតុក៏បានទៅបុកពីក្រោយរថយន្ត ដឹកដី ពណ៌ខៀវមួយគ្រឿង ពាក់ស្លាកលេខភ្នំពេញ 3B-0173 ពេញទំហឹង ខណៈរថយន្តបែកកង់ចតចោលនៅលើផ្លូវ ហើយបានបើកភ្លើងស៊ីញ៉ូ តែមិនបានដាក់ស្លាកសញ្ញាសម្គាល់ទេ ដែលបណ្តាលឱ្យបុរសម្នាក់រងរបួសធ្ងន់ ។
ក្រោយពេលកើតហេតុជនរងគ្រោះត្រូវបានគេបញ្ចូនទៅសង្រ្កោះបន្ទាន់នៅមន្ទីរពេទ្យចំណែកម៉ូតូត្រូវសមត្ថកិច្ចវាស់វែង យកទៅរក្សាទុកនៅប៉ុស្តិ៍នគរបាលរដ្ឋបាលឬស្សីកែវរងចាំដោះស្រាយគ្នាតាមនិតិវិធីច្បាប់។
ចែករំលែកព័តមាននេះ