រាជធានីភ្នំពេញ ៖ ម៉ូតូស្មាសមួយគ្រឿងពន្លះគ្នាជាមួយនិងរថយន្តនីសាន់មួយគ្រឿងទៀតយ៉ាងពេញទំហឹងបណ្តាលឱ្យរបួសធ្ងន់ស្រាល២នាក់ ។ ហេតុការណ៍នេះកើតឡើងកាលពីវេលាម៉ោង ៩និង៣៥នាទីយប់ ថ្ងៃទី២៨ កក្កដា ២០១៤ នៅចំណុចក្រោយសាលាបឋមសិក្សាព្រះនរោត្ថម ផ្លូវ១៤៤ កែងនិងផ្លូវ១៩ ស្ថិតនៅក្នុងសង្កាត់ផ្សារកណ្តាលទី១ ខណ្ឌដូនពេញ ។
ប្រភពព័ត៌មានពីប្រជាពលរដ្ឋដែលឃើញហេតុការណ៍បានឱ្យដឹងថា នៅមុនពេលកើតហេតុគេឃើញម៉ូតូស្មាស ពណ៌ខ្មៅ ខៀវ មួយគ្រឿង ពាក់ស្លាកលេខកណ្តាល1H-3088 ជិះគ្នា២នាក់ ដោយធ្វើដំណើរតាមផ្លូវ១៤៤ ក្នុងទិសដៅពីកើតទៅលិច មកដល់ចំណុចកើតហេតុក៏បានទៅពន្លះគ្នាពេញទំហឹង ជាមួយរថយន្តនីសាន់ មួយគ្រឿង ពាក់ស្លាកលេខភ្នំពេញ 2S -1348 បើកបរដោយបុរសម្នាក់យ៉ាងលឿន តាមផ្លូវ១៩ ក្នុងទិសដៅពីជើងទៅត្បូងបណ្តាល ឱ្យបុរសអ្នកបើកម៉ូតូរងរបួសស្រាល ចំណែកអ្នកជិះពីក្រោយរងរបួសធ្ងន់ ។
ក្រោយពេលកើតហេតុជនរងគ្រោះត្រូវបានគេបញ្ជូនទៅកាន់មន្ទីរពេទ្យ ចំណែកបុរសម្ចាស់រថយន្តត្រូវសមត្ថកិច្ចនាំខ្លួនទៅសួរនាំនៅប៉ុស្តិ៍នគរបាលរដ្ឋបាលផ្សារកណ្តាលមួយ។
ចែករំលែកព័តមាននេះ