រាជធានីភ្នំពេញ ៖ បុរសម្នាក់ត្រូវបាន កម្លាំងនគរបាលធ្វើការចាប់ខ្លួន កាលពីវេលាម៉ោង ជាង១រសៀល ថ្ងៃទី ២៨ កក្កដា ២០១៤ នៅក្នុងពន្ធនាគារព្រៃស ខណៈបុរសរូបនេះទៅសួរសុខទុក្ខមិត្តភក្តិដែលជាប់ពន្ធនាគារនៅទីនោះ។ការចាប់ខ្លួនបុរសសង្ស័យខាងលើនេះ ដោយជាប់ពាក់ព័ន្ធទៅនឹងករណីឆបោកសម្ភារ និងលុយកាក់
រាជធានីភ្នំពេញ ៖ បុរសម្នាក់ត្រូវបាន កម្លាំងនគរបាលធ្វើការចាប់ខ្លួន កាលពីវេលាម៉ោង ជាង១រសៀល ថ្ងៃទី ២៨ កក្កដា ២០១៤ នៅក្នុងពន្ធនាគារព្រៃស ខណៈបុរសរូបនេះទៅសួរសុខទុក្ខមិត្តភក្តិដែលជាប់ពន្ធនាគារនៅទីនោះ។ការចាប់ខ្លួនបុរសសង្ស័យខាងលើនេះ ដោយជាប់ពាក់ព័ន្ធទៅនឹងករណីឆបោកសម្ភារ និងលុយកាក់ របស់ជនរងគ្រោះជាច្រើននាក់នាពេលកន្លងមក ។
ជនសង្ស័យខាងលើមានឈ្មោះ វន ដាវិន ភេទប្រុស អាយុ៣៥ឆ្នាំ រស់នៅក្នុងក្រុងតាខ្មៅ ខេត្តកណ្តាល ។
ប្រភពព័ត៌មានបានឱ្យដឹងថា កន្លងមកជនសង្ស័យរូបនេះបានធ្វើការឆបោកសម្ភារ និងលុយកាក់ពីជនរងគ្រោះជាច្រើននាក់ដោយក្នុងនោះ បានបោករថយន្តឡិចស៊ីស៤៧០ មួយគ្រឿង ម៉ូតូCBR មួយគ្រឿង ម៉ូតូហុងដាឌ្រីមសេ១២៥ មួយគ្រឿង និងលុយចំនួន១៥០០ដុល្លារ។ ជនរងគ្រោះបានមកដាក់ពាក្យបណ្តឹងជាហូរហែ នៅប៉ុស្តិ៍នគរបាល ហើយសមត្ថកិច្ចក៏បានធ្វើការស្រាវជ្រាវរហូតចាប់បានមុខសញ្ញាជនឆបោកខាងលើនេះ។
នៅវេលាម៉ោង៦ល្ងាច ថ្ងៃដដែលនេះបន្ទាប់ពីធ្វើការចាប់ខ្លួន សមត្ថកិច្ចក៏បានបញ្ជូនខ្លួនជនសង្ស័យខាងលើមកសួរនាំ នៅប៉ុស្តិ៍នគរបាលរដ្ឋបាលទន្លេបាសាក់ដែលជាកន្លែងដែលជនរងគ្រោះដាក់ពាក្យបណ្តឹង។
ព័ត៌មានលម្អិតនិងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ