រាជធានីភ្នំពេញ ៖ រថយន្តធុនធំសណ្ដោងកន្ទុយ ដឹកកុងតឺន័រ១គ្រឿង ដែលជារថយន្តក្រុមហ៊ុនដឹកជញ្ជូនគា ធី បានបើកបោះពួយក្នុងល្បឿនលឿន ហើយបានវ៉ាក់ជាមួយ រថយន្តឡិចស៊ីស១គ្រឿងដែលកំពុងបើកបរនៅខាងមុខហើយបាន ជាន់ហ្វ្រាំងឈប់យ៉ាងប្រថុចញ៉ុចនោះបានធ្វើឲ្យរថយន្តកុងតឺន័រនោះ ខំបើកគេចចេញព្រោះ ខ្លាចបុករថយន្តឡិចស៊ីសនោះ ក៍បានរេចង្កូតជ្រុលធ្លាក់ក្បាល ចូលទៅក្នុងប្រឡាយទឹកស្អុយ ទាំងកំរោលឯកន្ទុយ ស្ថិតនៅលើផ្លូវ ចំតិតគូទគ្រហីត ប៉ុន្តែសំណាងល្អមិនបាន បណ្ដាលឲ្យមាន មនុស្សណាម្នាក់រងគ្រោះថ្នាក់នោះ ឡើយ ។
ហេតុការណ៍នោះបានកើតឡើង កាលពីវេលាម៉ោង ២និង៥០នាទីរសៀល ថ្ងៃទី២៨ ខែកក្កដា ឆ្នាំ២០១៤ នៅលើកំណាត់ផ្លូវជាតិលេខ៤ ត្រង់ចំណុច មុខរោងចក្រកាត់ដេរ ខេមបូហ៊ែនសាំ ស្ថិតក្នុងភូមិកន្ទោកខាងជើង សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ ។ រថយន្តមួយគ្រឿងនោះ ម៉ាកហ៊ីយ៉ាន់ដាយ ពណ៌ទឹកប្រាក់ អត់ស្លាកលេខ ជារថយន្តដឹកកុងតឺន័រ របស់ ក្រុមហ៊ុនគាធី ហើយអ្នកបើកបរមិនត្រូវបានគេ ស្គាល់ឈ្មោះនោះឡើយ។
ព័ត៌មានលម្អិតនិងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ