រាជធានីភ្នំពេញ ៖ Premium Auto Imports Co., Ltd ជាក្រុមហ៊ុននាំចូល និងចែកចាយរថយន្ត និងគ្រឿងបន្លាស់ម៉ាក BMW ផ្តាច់មុខនៅកម្ពុជា រួមទាំងដែលសេវាកម្មថែទាំរបស់ខ្លួនជាមួយក្រុមអ្នកជំនាញដែលមានការបណ្តុះបណ្តាលប្រកបដោយបទពិសោធន៏ និងចំណេះដឹងខ្ពស់ផ្តល់ជួននូវរាល់តម្រូវការរបស់អតិថិជន ហើយនៅថ្ងៃទី២៧ កក្កដា នៅក្នុងផ្សារទំនើបអីុ អន ក្រុមហ៊ុនបានរៀបចំតាំងពិព័រណ៍កម្មវិធី BMW Road Show ដំបូងគេបង្អស់នៅកម្ពុជាជាលក្ខណៈស្តង់ដាអន្តរជាតិ ដោយមានការចូលរួមជាកិត្តិយសពីលោក ភីធឺ ប្រុងហ្គឺ (Peter Brongers) អគ្គនាយកក្រុមហ៊ុន Premium Auto ។
ក្នុងអំឡុងពេលនៃការតាំងពិព័រណ៏រយៈពេល១៥ថ្ងៃនេះ ក្រុមហ៊ុននឹងធ្វើការផ្លាស់ប្តូរម៉ូដែលរថយន្តជាប្រចាំ ដើម្បីបង្ហាញពីបច្ចេកវិទ្យាប្រកបដោយភាពច្នៃប្រឌិតខ្ពស់ទៅលើម៉ូដែលរថយន្តខុសៗគ្នាជាច្រើនដូចជា ម៉ូដែល Luxury, Sport Activity និងរថយន្ត Sports Cars ដែលក្រុមហ៊ុនទើបនាំចូល ។
លោក ភីធឺ ប្រុងហ្គឺ អគ្គនាយកក្រុមហ៊ុន Premium Auto បានថ្លែងថា បន្ទាប់ពីបើកសម្ពោធក្រុមហ៊ុនកាលពីខែវិច្ឆិកា ឆ្នាំ២០១៣ ក្រុមហ៊ុនទទួលបានភាពជោគជ័យយ៉ាងខ្លាំងក្នុងការលក់រថយន្តម៉ាក BMW ដែលគិតមកដល់ពេលនេះ ក្រុមហ៊ុនលក់បានចំនួន២៥០គ្រឿង ហើយនៅក្នុងឱកាសតាំងពិព័រណ៍រថយន្តពេលនេះផងដែរ គឺគ្រប់អតិថិជនដែលទិញរថយន្តម៉ូដែលណាមួយពីក្រុមហ៊ុននឹងបានការរបញ្ចុះតម្លៃជូនពី២%ទៅ៥%ទៅតាមម៉ូដែល ។ លើសពីនេះ ប្រសិនបើអតិថិជនរូបណាទិញរថយន្តម៉ូដែល M6Coupé មួយគ្រឿងពីក្រុមហ៊ុននឹងផ្តល់ជូនរង្វាន់ជាដំណើរកម្សាន្តសម្រាប់មនុស្សពីរនាក់រយៈពេល៣ថ្ងៃទៅកាន់ BMW Dynamic Experience នៅ Clark ក្នុងប្រទេសហ្វីលីពីន ដោយរាល់ការចំណាយទាំងអស់ជាបន្ទុករបស់ក្រុមហ៊ុន ។
លោកអគ្គនាយកក្រុមហ៊ុនបានបញ្ជាក់ថា រថយន្តBMW មានតម្លៃចាប់ពីជាង៦ម៉ឺនដុល្លារទៅដល់ជាង២៤ម៉ឺនដុល្លារអាមេរិកក្នុងមួយគ្រឿង ៕
ចែករំលែកព័តមាននេះ