ខេត្តបន្ទាយមានជ័យ ៖ ជនសង្ស័យម្នាក់ត្រូវកម្លាំងនគរបាលជំនាញការិយាល័យកណ្តាល រៀបចំសំណុំរឿងបញ្ជូនទៅសាលាដំបូងខេត្ត កាលពីវេលាព្រឹកថ្ងៃទី២៨ កក្កដា ២០១៤ ដែលជាប់ចោទពីបទល្បួងក្មេងស្រីអាយុ៧ឆ្នាំម្នាក់ យកទៅរំលោភសេពសន្ថវៈរហូតបានសម្រេចចំនួន៣ដង ។
ប្រភពបានឱ្យដឹងថា ជនសង្ស័យឈ្មោះចេវ ស្រួច អាយុ៣៤ឆ្នាំ មានទីលំនៅក្នុងភូមិគោកក្តួច ឃុំបន្ទាយនាង ស្រុកមង្គលបុរី ខេត្តបន្ទាយមានជ័យ ។ ជននេះបានលួងលោមក្មេងស្រីអាយុ៧ឆ្នាំម្នាក់ មានទីលំនៅស្រុកថ្មពួក ហើយឪពុកម្តាយ បានយកមកផ្ញើនិងជីដូនមើលថែរយៈពេល៧ខែមកហើយនៅភូមិអូរអណ្តូងកើត ឃុំបន្ទាយនាង ស្រុកមង្គលបុរី ។
ប្រភពបន្តថា ជនសង្ស័យ និងជីដូនក្មេងស្រីរងគ្រោះជាមនុស្សរាប់អានគ្នា និងឧស្សាហ៍ចេញ-ចូលផ្ទះទៀត ។ ហើយនៅថ្ងៃកើតហេតុនោះ ជនសង្ស័យមកលេងផ្ទះ ដោយឃើញជីដូនមិននៅផ្ទះ រីឯជីតាដេកនៅលើផ្ទះ ខណៈនោះជនសង្ស័យមានឱកាស ក៏នាំនាងទៅរំលោភនៅខាងក្រោយផ្ទះ ហើយត្រូវបានអ្នកជិតខាងផ្ទះក្បែរឃើញ ។ ពេលជីដូនមកផ្ទះវិញ អ្នកជិតខាងបាននិយាយប្រាប់ហេតុការណ៍ខាងលើ ជីដូនក៏នាំចៅស្រីមកដាក់ពាក្យបណ្តឹងចាប់ជនសង្ស័យតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ