រាជធានីភ្នំពេញ ៖ បន្ទាប់ពីបានដំណើរការអស់រយៈពេល៤ខែ នៅទីបំផុតកម្មវិធី «ស្តាប់ចម្រៀងរបស់ខ្ញុំ» រដូវកាលទី២ បានរកឃើញម្ចាស់ជ័យលាភីហើយ កាលពីល្ងាចថ្ងៃទី២៧ កក្កដា ២០១៤ ក្នុងការប្រកួតវគ្គផ្តាច់ព្រ័ត្រដែលបានធ្វើឡើងនៅមជ្ឈមណ្ឌលពិព័រណ៍កោះពេជ្រ ។
រាជធានីភ្នំពេញ ៖ បន្ទាប់ពីបានដំណើរការអស់រយៈពេល៤ខែ នៅទីបំផុតកម្មវិធី «ស្តាប់ចម្រៀងរបស់ខ្ញុំ» រដូវកាលទី២ បានរកឃើញម្ចាស់ជ័យលាភីហើយ កាលពីល្ងាចថ្ងៃទី២៧ កក្កដា ២០១៤ ក្នុងការប្រកួតវគ្គផ្តាច់ព្រ័ត្រដែលបានធ្វើឡើងនៅមជ្ឈមណ្ឌលពិព័រណ៍កោះពេជ្រ ។
ឆ្លងកាត់ការបោះឆ្នោតទាំងបីលក្ខខណ្ឌ គឺបោះឆ្នោតពីមហាជន គណៈកម្មការ និងបេក្ខជនគ្នាឯង ជ័យលាភី «ស្តាប់ចម្រៀងរបស់ខ្ញុំ ២០១៤» លេខ១ បានទៅលើបេក្ខជន សេង សុវណ្ណតារា ម្ចាស់បទ «ទឹកភ្នែកពណ៌ខៀវ» លេខ២ បានទៅលើបេក្ខជន យឹង យន ម្ចាស់បទ «សម្រស់ Florida» និងលេខ៣ បានទៅលើបេក្ខជននារី រុន ស៊ីរ៉ា ម្ចាស់បទ «ច្រណែនគេដែលមិនមែនជាខ្ញុំ» ។
លោកជី សិលា នាយកប្រតិបត្តិការក្រុមហ៊ុន Sabay បានថ្លែងថា ផ្តើមចេញពីជ័យលាភីក្នុងកម្មវិធី «ស្តាប់ចម្រៀងរបស់ខ្ញុំ» នេះ ពួកគេនឹងក្លាយជាអ្នកចម្រៀងអាជីព ហើយចាប់ផ្តើមបើកទំព័រថ្មីមួយសម្រាប់សិល្បៈតន្ត្រីខ្មែរ ។ លោកសង្ឃឹមថា ម្ចាស់ជ័យលាភីទាំងនេះនឹងក្លាយជាអ្នកចម្រៀងអាជីព និងអ្នកនិពន្ធបទចម្រៀងដែលមានលក្ខណៈជាខ្មែរ ហើយលោកក៏សង្ឃឹមថា បទចម្រៀងទាំងនេះ នឹងបានផ្សព្វផ្សាយចេញទៅក្រៅប្រទេសថែមទៀត ដើម្បីជួយបង្កើនឥទ្ធិពលសិល្បៈខ្មែរ តាមរយៈចម្រៀងរបស់ខ្លួន ។
លោកខៀវ កាញ៉ារិទ្ធ រដ្ឋមន្ត្រីក្រសួងព័ត៌មានដែលបានចូលរួមជាអធិបតីក្នុងពិធីប្រគល់ពានរង្វាន់ នាឱកាសនោះបានសម្តែងការសាទរចំពោះម្ចាស់ជ័យលាភី ដែលបានឈ្នះក្នុងកម្មវិធីស្តាប់ចម្រៀងរបស់ខ្ញុំ ។ លោកបញ្ជាក់ថា ក្រសួងព័ត៌មាននឹងបន្តជំរុញទាំងសិល្បៈដែលជាប់ជ័យលាភី និងមិនជាប់ជ័យលាភីក្តីឱ្យមានសមត្ថភាពបន្តទៀត ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ