ដូហា ៖ តាមទិន្នន័យដែលបានចេញផ្សាយកាលពីថ្ងៃអាទិត្យ ឱ្យដឹងថា ការចំណាយរបស់រដ្ឋនៅក្នុងប្រទេសកាតាបានកើនទ្បើង១២,៧% កាលពីឆ្នាំសារពើពន្ធឆ្នាំមុន ដែលជាអត្រាទាបបំផុតក្នុងរយៈពេល១១ឆ្នាំ ខណៈដែលមានការបង្អន់ល្បឿននៃកំណើននៅក្នុងការទូទាត់ចំណាយថ្មីៗនេះ មានការកើនទ្បើងយ៉ាងខ្លាំងក្នុងមូលនិធិចំណាយលើគម្រោងហេដ្ឋារចនាសម្ព័ន្ធ ។
ដូហា ៖ តាមទិន្នន័យដែលបានចេញផ្សាយកាលពីថ្ងៃអាទិត្យ ឱ្យដឹងថា ការចំណាយរបស់រដ្ឋនៅក្នុងប្រទេសកាតាបានកើនទ្បើង១២,៧% កាលពីឆ្នាំសារពើពន្ធឆ្នាំមុន ដែលជាអត្រាទាបបំផុតក្នុងរយៈពេល១១ឆ្នាំ ខណៈដែលមានការបង្អន់ល្បឿននៃកំណើននៅក្នុងការទូទាត់ចំណាយថ្មីៗនេះ មានការកើនទ្បើងយ៉ាងខ្លាំងក្នុងមូលនិធិចំណាយលើគម្រោងហេដ្ឋារចនាសម្ព័ន្ធ ។
ធនាគារកណ្តាលឱ្យដឹងថា ការចំណាយបានកើនទ្បើងខ្ពស់ស្មើនឹង៦៣,៦ពាន់ដុល្លារអាមេរិក នៅក្នុងដំណាច់ខែមីនាកន្លងមក ពីបរិមាណ៥៦,៤ពាន់លានដុល្លារ នៅឆ្នាំសារពើពន្ធ២០១២-២០១៣ ។ ចំណែកការចំណាយថ្មីៗនេះ បានកើនទ្បើង៦% ឬ៤៥ពាន់លានដុល្លារនៅក្នុងឆ្នាំសារពើពន្ធ២០១៣-២០១៤ គឺជាការបង្អន់ល្បឿនយ៉ាងខ្លាំងពីការកើនទ្បើង២៤,៤% ក្នុងអំទ្បុង២ឆ្នាំនេះ នោះក៏ព្រោះតែការធ្លាក់ចុះនៅក្នុងបង់ការប្រាក់ និងការចំណាយលើសេវាកម្ម និងការផ្គត់ផ្គង់ ។ ទោះជាយ៉ាងណាក៏ដោយ វិស័យសាធារណៈបានរក្សានូវកំណើននៃប្រាក់បៀវត្សរ៍យ៉ាងខ្លាំង ។ រីឯចំណូលរបស់រដ្ឋនៅក្នុងក្រុមហ៊ុននាំចេញឧស្ម័នធម្មជាតិលំដាប់កំពូលលើពិភពលោក បានកើនទ្បើង២១,៩% ឬស្មើនឹង៩៥,១ពាន់លានដុល្លារ កាលពីឆ្នាំសារពើពន្ធឆ្នាំទៅ ។
ដោយទ្បែក ផលលើសលើថវិកាឆ្នាំ២០១៣-២០១៤ បានកើនទ្បើងស្មើនឹង៣១,៥ពាន់លានដុល្លារ ឬ១៥,៦%នៃGDP ធៀបនឹងបរិមាណ២១,៦ពាន់លានដុល្លារ ឬ១១,៤%នៃGDPឆ្នាំមុន ។ អ្នកវិភាគបានស្ទាបស្ទង់នៅក្នុងការព្យាករផលលើសនៃថវិកាឆ្នាំសារពើពន្ធរបស់ប្រទេសនានា អាចនឹងមានចំនួនសរុប៧,៧% នៃGDP នៅក្នុងឆ្នាំ២០១៤-២០១៥ ដែលមានការបង្រួម៥,២% នៅក្នុងការមកដល់នៃឆ្នាំសារពើពន្ធខាងមុខនេះ ៕
ចែករំលែកព័តមាននេះ