ក្រុមហ៊ុនចិនមួយរាយការណ៍ កាលពីថ្ងៃទី២៧ កក្កដា ថា ការផលិតសាកល្បងយន្ដហោះធុន TA600 ដែលជាយន្ដហោះចុះលើទឹកធំជាងគេបំផុតលើពិភពលោកនោះបានចាប់ផ្ដើមនៅចិនក្រោយបញ្ចប់ដំណើរការរៀបចំមក ។ លោកហ្វូជុន ស៊ូ អគ្គនាយកនៃក្រុមហ៊ុន ZHUHAI ជាសាខាមួយរបស់ក្រុមហ៊ុន CHINA AVIATION INDUSTRY GENE-RAL AIRCRAFT Co,.LTD ថ្លែងថា យន្ដហោះដែលមានទម្ងន់៥៣,៥តោន ពេលហោះឡើង ហើយអាចហោះបានចម្ងាយ៥.០០០គីឡូម៉ែត្រ នោះគឺជាយន្ដហោះមួយដែលធំជាងយន្ដហោះធុនប៊ូអីុង៧៣៧ ហើយអាចប្រើប្រាស់សម្រាប់តស៊ូប្រឆាំងអគ្គិភ័យ និងជួយសង្គ្រោះក្នុងទឹក ។
លោកហ្វូ បន្ដថា ចិនរៀបចំផលិតយន្ដហោះធុននោះ៥ឆ្នាំមកហើយ រួចការហោះហើរសាកល្បងអាចធ្វើនាដំណាច់ឆ្នាំ២០១៥ ។ ក្រោយដំណើរការហោះហើរសាកល្បង យន្ដហោះចុះលើទឹក TA600 នឹងត្រូវដាក់លក់ ។ បើកសាងរួចហើយ យន្ដហោះ TA600 នឹងជំនួសយន្ដហោះចុះលើទឹករបស់ជប៉ុន SHIN MAYWA US-2 ក្លាយជាយន្ដហោះចុះលើទឹកធំជាងគេបំផុតលើពិភពលោក ៕
ចែករំលែកព័តមាននេះ