ជារឿងស៊យធំមួយសម្រាប់បុរសម្នាក់ ហើយជារឿងដែលមិនអាចធ្វើឱ្យដូចដើមវិញបាន នៅពេលប្រាប់ឱ្យគ្រូពេទ្យកាត់ច្រឹបចុងលិង្គ តែមិនដឹងស្តាប់ច្រឡំឬយ៉ាងម៉េច បែរជាគ្រូពេទ្យកាត់លិង្គចោលតែម្តង ។ អស់វត្ថុសំខាន់នោះទៅហើយ តើជីវិតមានន័យអ្វីទៀត ។
សារព័ត៌មានបរទេស កាលពីថ្ងៃទី២៦ កក្កដា ២០១៤ ផ្សាយថា លោកចននី លីប៊ែង ជូនៀ អាយុ៥៦ឆ្នាំ បានប្តឹងមន្ទីរពេទ្យ Priceton Baptist Medical Center ស្ថិតនៅក្រុងប៊ើមីងហេម ពីបទកាត់ចោលប្រដាប់ភេទរបស់គេចេញ ដោយគ្មានហេតុផល ដោយរូបគេប្រាប់ត្រឹមតែឱ្យកាត់ចុងចៀរយកស្បែកនៅចុងចេញប៉ុណ្ណោះ។
លោក ចន ហ្គ្រាវ មេធាវីរបស់លោកប៊ែង ឱ្យដឹងថា កូនក្តីរបស់លោកបានខាតបង់ទាំងស្រុង ដោយសារតែការប្រាប់ឱ្យគ្រូពេទ្យឱ្យកាត់ត្រឹមតែស្បែកចុងលិង្គ តែបែរជាពេទ្យមកកាត់ចោលទាំងស្រុងបែបនេះទៅវិញ ។លោកស្រី ឃែត ដេវីត ដាដេន អ្នកនាំពាក្យរបស់មន្ទីរពេទ្យនិយាយថា ការចោទប្រកាន់របស់លោក ប៊ែង ជាការចោទដែលមិនអាចទទួលយកបាន ដូច្នេះខាងមន្ទីរពេទ្យនឹងតស៊ូរឿងក្តីក្តាំនេះឱ្យដល់ទីបំផុត ។ ចុងចោទដែលលោកប៊ែង ប្តឹងទារសំណងគឺមន្ទីរពេទ្យ និងវេជ្ជបណ្ឌិត២នាក់ដែលពាក់ព័ន្ធ ៕
ចែករំលែកព័តមាននេះ