ការប្រទូស្តរ៉ាយគ្នាបានបន្តកាលពីថ្ងៃទី២៧ កក្កដា នៅជ្រោយហ្គាហ្សា ទោះបីមានការប្រកាសពីបទឈប់បា.ញ់គ្នាមួយដោយក្រុមហាម៉ាស់ក្តី ។ កងទាហានអុីស្រាអែលតបតវិញចំពោះការបា.ញ់គ្រាប់រុ៉ក្កែតដែលពុំព្រមបញ្ឈប់។ ភាគីទាំង២បានទម្លាក់ដាក់គ្នាទៅវិញទៅមកនូវការទទួលខុសត្រូវចំពោះការបន្តប្រយុទ្ធ ទោះបីមានការប្រកាសពីបទឈប់បា.ញ់គ្នាមុនពេលឈានដល់ថ្ងៃបុណ្យធំ
ការប្រទូស្តរ៉ាយគ្នាបានបន្តកាលពីថ្ងៃទី២៧ កក្កដា នៅជ្រោយហ្គាហ្សា ទោះបីមានការប្រកាសពីបទឈប់បាញ់គ្នាមួយដោយក្រុមហាម៉ាស់ក្តី ។ កងទាហានអុីស្រាអែលតបតវិញចំពោះការបាញ់គ្រាប់រុ៉ក្កែតដែលពុំព្រមបញ្ឈប់។ ភាគីទាំង២បានទម្លាក់ដាក់គ្នាទៅវិញទៅមកនូវការទទួលខុសត្រូវចំពោះការបន្តប្រយុទ្ធ ទោះបីមានការប្រកាសពីបទឈប់បាញ់គ្នាមុនពេលឈានដល់ថ្ងៃបុណ្យធំរបស់អ៊ិស្លាម AID EL-FIRT ហៅបុណ្យស្រាយបួសដែលកំណត់ពីការបញ្ចប់ខែតមរ៉ាម៉ាដានក្តី ។
នាយករដ្ឋមន្ត្រីអុីស្រាអែល លោកបេនចាមីននេតាន់យ៉ាហ៊ូ និយាយថា ក្រុមហាម៉ាស់បានរំលោភបំពានលើបទឈប់បាញ់របស់ខ្លួនផ្ទាល់ ដោយបន្តបាញ់គ្រាប់រុ៉ក្កែតដាក់អុីស្រាអែល ។ តាម CNN លោកអះអាងថា អុីស្រាអែលនឹងធ្វើអ្វីគ្រប់យ៉ាងដើម្បីការពារប្រជាជនខ្លួន ។ លោកបន្តថា ខ្ញុំសង្ឃឹមទទួលបានភាពស្ងប់ស្ងាត់ដ៏ស្ថិតស្ថេរមួយដើម្បីឱ្យយើងអាចដកថយពីហ្គាហ្សា ។
ចំណែកអ្នកនាំពាក្យរបស់ក្រុមហាម៉ាស់នៅហ្គាហ្សា លោកសាមីអាប៊ូហ្សូរី វិញនិយាយថា យើងរង់ចាំចម្លើយផ្លូវការមួយរបស់សត្រូវ ។ លោកនិយាយថា ចលនាហាម៉ាស់នឹងបន្តបាញ់ បើអុីស្រាអែលនៅពុំព្រមបញ្ឈប់ប្រតិបត្តិការរបស់ខ្លួនទេនោះ ។ យោងតាមកងទ័ពអុីស្រាអែលថា គ្រាប់រុ៉ក្កែត២២គ្រាប់ត្រូវបានបាញ់ដាក់អុីស្រាអែល ហើយគ្រាប់រុ៉ក្កែត៥គ្រាប់ត្រូវស្ទាក់កម្ទេចដោយប្រព័ន្ធការពារអាកាសក្រោយការប្រកាសនាវេលារសៀលថ្ងៃទី២៧ កក្កដា ពីបទឈប់បាញ់មួយរបស់ក្រុមហាម៉ាស់ដែលប្រកាសទទួលខុសត្រូវលើការបាញ់គ្រាប់រុ៉ក្កែតទៀតផង ៕
ចែករំលែកព័តមាននេះ