លោក ISSA TCHIRUMA BAKARY រដ្ឋមន្ត្រីក្រសួងព័ត៌មាន និងជាអ្នកនាំពាក្យរដ្ឋាភិបាលកាមីរ៉ូន អះអាងថា ពួកសកម្មប្រយុទ្ធនៃក្រុមអ៊ិស្លាមនិយមជ្រុល បូកូហារា៉ម នៅនីហ្សេរីយា៉ កាលពីព្រឹកថ្ងៃទី២៧ កក្កដា បានវាយប្រហារនិវេសនដ្ឋាន របស់ឧបនាយករដ្ឋមន្ត្រី កាមីរ៉ូន លោក AMADOU ALI និងគេហដ្ឋានរបស់លោក ឡាមីដួ មេដឹកនាំសាសនាម្នាក់នៅទីក្រុងកូឡូហ្វាតា ស្ថិតនៅចុង
លោក ISSA TCHIRUMA BAKARY រដ្ឋមន្ត្រីក្រសួងព័ត៌មាន និងជាអ្នកនាំពាក្យរដ្ឋាភិបាលកាមីរ៉ូន អះអាងថា ពួកសកម្មប្រយុទ្ធនៃក្រុមអ៊ិស្លាមនិយមជ្រុល បូកូហារា៉ម នៅនីហ្សេរីយា៉ កាលពីព្រឹកថ្ងៃទី២៧ កក្កដា បានវាយប្រហារនិវេសនដ្ឋាន របស់ឧបនាយករដ្ឋមន្ត្រី កាមីរ៉ូន លោក AMADOU ALI និងគេហដ្ឋានរបស់លោក ឡាមីដួ មេដឹកនាំសាសនាម្នាក់នៅទីក្រុងកូឡូហ្វាតា ស្ថិតនៅចុងខាងជើងនៃប្រទេសកាមីរ៉ូន ជិតព្រំដែននីហ្សេរីយ៉ា ហើយបានចាប់ពង្រត់ភរិយាឧបនាយករដ្ឋមន្ត្រី និងលោក ឡាមីដូ ។
អ្នកនាំពាក្យរូបនេះបន្តថា មានការវាយប្រហារនៅមូលដ្ឋានកូឡូហ្វាតា ខេត្តមា៉យ៉ូសាមា៉ ហើយគេហដ្ឋានរបស់ឧបនាយករដ្ឋមន្ត្រី និងរបស់លោក ឡាមីដូ ក៏រងការវាយប្រហារដែរ ។ ជាការគួរឱ្យសោកស្តាយជនជាតិកាមីរ៉ូនច្រើននាក់ត្រូវស្លាប់ ។ លោកបន្តថា នោះជាការវាយប្រហាររបស់ក្រុមបូកូហារ៉ាម ។ ទីក្រុងកូឡូហ្វាតា ជាទីក្រុងកំណើតរបស់ឧបនាយករដ្ឋមន្ត្រី ។ រយៈពេលប៉ុន្មានខែចុងក្រោយនេះ ពួកបូកូហារ៉ាម បានបង្កើនការវាយប្រហារប្រឆាំងទីតាំងយោធានានារបស់កាមីរ៉ូន នៅភាគខាងជើងប្រទេសដោយផ្គើនកងទ័ពកាមីរ៉ូន ដែលដាក់ពង្រាយនៅតំបន់នោះ ៕
ចែករំលែកព័តមាននេះ