ប៉េកាំង ៖ ទិន្នន័យផ្លូវការមួយបានបង្ហាញថា ពាណិជ្ជកម្មនៃឧស្សាហកម្មរបស់ចិនបានបង្ហាញឱ្យឃើញពីការកើនឡើង១១,៤%ពីមួយឆ្នាំទៅមួយឆ្នាំនៅក្នុងឆមាសទី១ ឆ្នាំ២០១៤ ។ ការិយាល័យស្ថិតិជាតិ បានឱ្យដឹងថា ប្រាក់ចំណេញសរុបរបស់ក្រុមហ៊ុនឧស្សាហកម្មជាមួយនឹងចំណូលពាណិជ្ជកម្មប្រចាំឆ្នាំជាង៣,២លានដុល្លារអាមេរិក ឡើងដល់៤៦២ពាន់លានដុល្លារ ។ ការកើនឡើងប្រាក់ចំណេញបានបង្ហាញឱ្យឃើញពីការចុះបញ្ជីកំណើនតិចជាង១០% នៅក្នុងរយៈពេល៥ខែដំបូង ។
រីឯការបោះជំហាននៃកំណើនលឿនជាងការរំពឹងទុកគឺដោយសារតែភាពខ្លាំងនៃការហក់ឡើងកាលពីខែមិថុនា នៅពេលដែលក្រុមហ៊ុនឧស្សាហកម្មទទួលបានកម្រៃ ៩៥ពាន់លានដុល្លារកើនឡើង១៧,៩% ធៀបនឹងឆ្នាំទៅ ។ នៅក្នុងអំឡុងពេល៦ខែដើមឆ្នាំ២០១៤នេះ ប្រាក់ចំណេញរបស់ក្រុមហ៊ុននិងសហគ្រាសមូលនិធិបរទេសជាមួយនឹងមូលនិធិពីទីក្រុងហុងកុង ម៉ាកាវ និងតៃវ៉ាន់ ភាគច្រើនបានកើនឡើង១៥,៣% ពីមួយឆ្នាំទៅមួយឆ្នាំឬស្មើនឹង១១២ពាន់លានដុល្លារ ។
ចំណែកប្រាក់ចំណេញរបស់សហគ្រាសឧស្សាហកម្មរបស់រដ្ឋ និងសហគ្រាសមានភាគហ៊ុនរបស់រដ្ឋមានចំនួន១២៣ពាន់លានដុល្លារកើន៥,៦%ធៀបនឹងឆ្នាំទៅ ។ ដោយឡែកប្រាក់ចំណេញរបស់ក្រុមហ៊ុនឯកជនបានកើនឡើង១៣,៥%ពីមួយឆ្នាំទៅមួយឆ្នាំ ឬស្មើនឹង១៤៧ពាន់លានដុល្លារ ហើយសហគ្រាសរួមហ៊ុនបាននាំមកនូវប្រាក់ចំណេញសរុប២៧៣ពាន់លានដុល្លារ កើនឡើង១០,៨%ពីមួយឆ្នាំទៅមួយឆ្នាំ។ រីឯកម្រៃដែលទទួលបានតាមវិស័យក្នុងនោះសហគ្រាសនៅក្នុងឧស្សាហកម្មរ៉ែសម្រេចបាន៥៥ពាន់លានដុល្លារនៅក្នុងឆមាសទី១នេះធ្លាក់ចុះ១៤,៦% ពីមួយឆ្នាំទៅមួយឆ្នាំ ។
ក្រុមហ៊ុននៅក្នុងវិស័យផលិតកម្មកើនឡើង១៥,៦% ឬស្មើនឹង២៧១,៤ពាន់លានដុល្លារ ។ ទោះជាយ៉ាងណា វិស័យឧស្សាហកម្មសរុបចំនួន៤១ មាន៣៥វិស័យទទួលបានការកើនឡើងនៃប្រាក់ចំណេញ ហើយមាន១វិស័យមានកម្រិតថេរ និង៥វិស័យធ្លាក់ចុះនៅក្នុងអំឡុងឆមាសដំបូងឆ្នាំនេះ បើធៀបនឹងឆ្នាំ២០១៣ ៕
ចែករំលែកព័តមាននេះ