រាជធានីភ្នំពេញ ៖ ជនសង្ស័យពាក់ព័ន្ឋនឹងការដាក់គ្រាប់បែកដៃមុខភោជនីយដ្ឋានផ្រែម ដែលមានទីតំាងស្ថិតនៅតាមផ្លូវលេខ៣១៥ សង្កាត់បឹងកក់២ ខណ្ឌទួលគោក ដើម្បីគម្រាមទារលុយនោះ ត្រូវបានកងរាជអាវុធហត្ថចាប់ខ្លួនបានហើយនៅម៉ោង១១និង៣០នាទីថ្ងៃទី២៨ កក្កដា ២០១៤ ។
ជនសង្ស័យឈ្មោះ ភិន សុភាព ភេទប្រុស អាយុ២២ឆ្នាំ ជានិស្សិត ផ្នែកថែទាំងវេជ្ជសាស្ត្រ អតីតសន្តិសុខហាងកាហ្វេហ្វ្រេម មានស្រុកកំណើតភូមិលាកជា ឃុំព្រែកក្រើស ស្រុកកំពង់ត្រាច ខេត្តកំពត ។
ប្រភពបានឲ្យដឹងទៀតថា ពេលនេះសមត្ថកិច្ចបានបញ្ចូនជនសង្ស័យទៅឃុំខ្លួនបណ្តោះអាសន្ននៅទីបញ្ជាការដ្ឋានកងរាជអាវុធហត្ថរាជធានីភ្នំពេញ ហើយនឹងធ្វើសន្និសីទកាសែតនៅរសៀលថ្ងៃចន្ទដដែលនេះ ។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ