រាជធានីភ្នំពេញ ៖ ដើម្បីចូលរួមក្នុងការប្រយុទ្ធប្រឆាំងនឹងជំងឺទឹកនោមផ្អែម និងលើសសម្ពាធឈាម ដែលជាអត្រាចម្បងបង្កើនអត្រាស្លា.ប់មុនអាយុ ក្រុមហ៊ុនសាណូហ្វី អ្នកជំនាញផ្នែកតំហែទាំសុខភាពបានសហការជាមួយសមាគមគ្រូពេទ្យទឹកនោមផ្អែម និងក្រពេញកម្ពុជា ដើម្បីបើកវគ្គបណ្ដុះបណ្ដាលដល់ក្រុមគ្រូពេទ្យកម្ពុជា កាលពីថ្ងៃទី២៦ កក្កដា នៅសណ្ឋាគារភ្នំពេញ ។
រាជធានីភ្នំពេញ ៖ ដើម្បីចូលរួមក្នុងការប្រយុទ្ធប្រឆាំងនឹងជំងឺទឹកនោមផ្អែម និងលើសសម្ពាធឈាម ដែលជាអត្រាចម្បងបង្កើនអត្រាស្លាប់មុនអាយុ ក្រុមហ៊ុនសាណូហ្វី អ្នកជំនាញផ្នែកតំហែទាំសុខភាពបានសហការជាមួយសមាគមគ្រូពេទ្យទឹកនោមផ្អែម និងក្រពេញកម្ពុជា ដើម្បីបើកវគ្គបណ្ដុះបណ្ដាលដល់ក្រុមគ្រូពេទ្យកម្ពុជា កាលពីថ្ងៃទី២៦ កក្កដា នៅសណ្ឋាគារភ្នំពេញ ។
គោលបំណងនៃកម្មវិធីនេះ ដើម្បីបង្កើនការយល់ដឹងបន្ថែមពីបញ្ហាសុខភាពចំនួនពីរ ដែលកំពុងតែកើនឡើងនៅកម្ពុជា គឺជំងឺទឹកនោមផ្អែម និងជំងឺលើសសម្ពាធឈាម ដោយមានការចូលរួមពីនាយកគ្រប់គ្រងក្រុមហ៊ុនសាណូហ្វីកម្ពុជា លោកសាស្ត្រាចារ្យមហាបរិញ្ញា កុយ វ៉ាន់នី ប្រធានសមាគមគ្រូពេទ្យទឹកនោមផ្អែម និងក្រពេញកម្ពុជា ជាអ្នកធ្វើបទបង្ហាញ ក៏ដូចជាវាគ្មិននៅក្នុងពិធីនោះ ។
នាឱកាសនោះ អ្នកស្រីង្វៀង ធីង៉ុកមីញ នាយកគ្រប់គ្រងក្រុមហ៊ុនសាណូហ្វីកម្ពុជា បានថ្លែងថា នៅឆ្នាំ២០១០ មានអ្នកជំងឺតែ៤៥,៥% នៃអ្នកជំងឺលើសឈាម និង៥០,៣% នៃអ្នកជំងឺទឹកនោមផ្អែម ដែលត្រូវបានធ្វើរោគវិនិច្ឆ័យ ។ នៅក្នុងពេលជាមួយគ្នានោះដែរ មានតែ២៨,៦% នៃអ្នកជំងឺលើសសម្ពាធឈាម និងជាតិស្ករក្នុងឈាមដោយជោគជ័យទៅតាមគោលដៅរបស់គ្រូពេទ្យ ។
លោកសាស្ត្រាចារ្យ កុយ វ៉ាន់នី បានពន្យល់ថា យោងតាមរបាយការណ៍នៃជំងឺមិនឆ្លងក្នុងឆ្នាំ ២០១៤របស់អង្គការសុខភាពពិភពលោក គេប៉ាន់ប្រមាណថា អត្រាអ្នកស្លាប់ដោយសារជំងឺមិនឆ្លងដែលរួមទាំងជំងឺទឹកនោមផ្អែមផងនោះមាន៥៣% នៃចំនួនអ្នកស្លាប់សរុបនៅក្នុងប្រទេសកម្ពុជា ។ ជំងឺបេះដូងនិងសរសៃឈាម គឺជាជំងឺមិនឆ្លងពីមនុស្សម្នាក់ទៅមនុស្សម្នាក់ ។
ជំងឺទាំងនេះ កំពុងតែប៉ះពាល់យ៉ាងខ្លាំងទៅលើប្រទេសដែលប្រជាជនរកប្រាក់ចំណូលទាបនិងមធ្យម ។ ជំងឺបេះដូងនិងសរសៃឈាម ជាមូលហេតុចម្បងនៃការស្លាប់នៅក្នុងប្រទេសកំពុងអភិវឌ្ឍន៍ ។ នៅប្រទេសកម្ពុជា ដែលប្រជាជនមានប្រាក់ចំណូលទាប និងមធ្យមជិត៥៨% នៃអ្នកស្លាប់ដោយសារជំងឺបេះដូង និងសរសៃឈាម គឺមានអាយុតិចជាង៦០ឆ្នាំបើធៀបនឹងប្រទេសដែលប្រជាជនមានប្រាក់ចំណូលខ្ពស់ត្រឹមតែ២០% ។
ប្រទេសកម្ពុជាចាត់ជាប្រទេសមួយ ដែលប្រជាជនមានប្រាក់ចំណូលទាប និងមានប្រជាជនជាង១៣លាននាក់រស់នៅតាមជនបទពឹងផ្អែកលើវិស័យកសិកម្ម ។ នៅក្នុងឆ្នាំ២០០៨ ត្រូវបានគេប៉ាន់ប្រមាណថា អ្នកស្លាប់មានចំនួន៣១% ដោយសារជំងឺមិនឆ្លង ។ ចំពោះកំណើននៃជំងឺបេះដូង និងសរសៃឈាម គឺភាគច្រើនបណ្ដាលមកពីការប្រើប្រាស់ថ្នាំជក់ អាហារមិនសមស្របសម្រាប់សុខភាព និងមិនធ្វើលំហាត់ប្រាណ ធ្វើឱ្យជាតិខ្លាញ់ក្នុងឈាមទ្បើងខ្ពស់ កម្រិតជាតិស្ករក្នុងឈាមខ្ពស់ និងជាហេតុបង្កើនសម្ពាធឈាម ។ វាមានទំនាក់ទំនងនៃការរស់នៅប្រចាំថ្ងៃដូចជា ការផ្លាស់ប្តូរទម្លាប់នៃការរស់នៅ របបអាហារប្រចាំថ្ងៃ ការងារចំណាកស្រុកចូលមករស់នៅទីក្រុងសាកលភាវូបនីយកម្ម និងការផ្លាស់ប្តូរប្រជាសាស្ត្រ ។
ចំពោះប្រទេសកម្ពុជា តាមការសង្កេតរបស់ក្រុមហ៊ុនសាណូហ្វី អត្រាប្រេវ៉ាឡង់នៃកត្តាហានិភ័យចំពោះ ជំងឺបេះដូងនិងសរសៃឈាម គឺមានរួចទៅហើយ ក្នុងកម្រិតប្រកាសអាសន្ន ។ មានអ្នកជំងឺទឹកនោមផ្អែម និងជំងឺលើសសម្ពាធឈាមតែមួយភាគតូចប៉ុណ្ណោះ ដែលត្រូវបានព្យាបាលបញ្ចុះសម្ពាធឈាម និងជាតិស្ករនៅក្នុងឈាមទៅតាមគោលដៅរបស់គ្រូពេទ្យ ។ ប៉ុន្តែមួយភាគធំមិនបានដឹងខ្លួនថា មានជំងឺទាំងនេះ និងមិនបានទទួលការព្យាបាលទ្បើយ ទាំងនេះជាកត្តាដែលគួរបារម្ភ ៕
ចែករំលែកព័តមាននេះ