កោះសន្តិភាពសូមណែនាំជូនប្រិយមិត្តអ្នកអានពីសាកលវិទ្យាល័យចំនួន១០ដែលថ្លៃសិក្សាខ្ពស់កប់ពពកក្នុងពិភពលោក ។
១-សាកលវិទ្យាល័យ Sarah Lawrence College
Sarah Lawrence College គឺជាសាកលវិទ្យាល័យឯកជនមួយ ស្ថិតក្នុងរដ្ឋញូវយ៉ក សហរដ្ឋអាមេរិក កសាងឡើងក្នុងឆ្នាំ១៩២៦
កោះសន្តិភាពសូមណែនាំជូនប្រិយមិត្តអ្នកអានពីសាកលវិទ្យាល័យចំនួន១០ដែលថ្លៃសិក្សាខ្ពស់កប់ពពកក្នុងពិភពលោក ។
១-សាកលវិទ្យាល័យ Sarah Lawrence College
Sarah Lawrence College គឺជាសាកលវិទ្យាល័យឯកជនមួយ ស្ថិតក្នុងរដ្ឋញូវយ៉ក សហរដ្ឋអាមេរិក កសាងឡើងក្នុងឆ្នាំ១៩២៦ ដោយមហាសេដ្ឋីលោក William Van Duzer Lawrence ។ សាកលវិទ្យាល័យមានកម្ពស់៧ជាន់នេះ ផ្តោតលើមុខជំនាញ សំខាន់ៗដូចជាមនុស្សសាស្ត្រ និងនយោបាយ ។
តម្លៃសិក្សារបស់សាកលវិទ្យាល័យ Sarah Lawrence College គឺ៦១.២៣៦ដុល្លារអាមេរិក ក្នុងរយៈពេល១ឆ្នាំ ។
២-សាកលវិទ្យាល័យញូវយ៉ក
សាកលវិទ្យាល័យញូវយ៉ក បង្កើតឡើងក្នុងឆ្នាំ១៨៣១ គឺជាសាកលវិទ្យាល័យដំបូងគេបង្អស់របស់ទីក្រុងញូវយ៉ក ។
សាកលវិទ្យាល័យញូវយ៉កផ្តោតលើមុខវិជ្ជាសំខាន់ៗដូចជា វិទ្យាសាស្ត្រអប់រំ និងសិល្បៈគំនូរ ។ តម្លៃសិក្សារបស់សាកលវិទ្យាល័យញូវយ៉កគឺ៥៩.៣៣៧ដុល្លារអាមេរិកក្នុង១ឆ្នាំ ។
៣-សាកលវិទ្យាល័យ Harvey Mudd College
សាកលវិទ្យាល័យ Harvey Mudd College ស្ថិតក្នុងរដ្ឋកាលីហ្វ៊័រនីញា៉ សហរដ្ឋអាមេរិក បង្កើតឡើងក្នុងឆ្នាំ១៩៥៥ ដោយក្រុមគ្រួសារលោក Harvey Mudd ។
សាកលវិទ្យាល័យនោះបង្រៀនមុខវិជ្ជាសំខាន់ៗដូចជាវិទ្យាសាស្ត្រស្រាវជ្រាវ និងវិទ្យាសាស្ត្រអប់រំ ។ ចំពោះតម្លៃសិក្សាគឺ ៥៨.៩១៣ដុល្លារអាមេរិកក្នុង១ឆ្នាំ ។
៤-សាកលវិទ្យាល័យកូឡុំប៊ី
សាកលវិទ្យាល័យកូឡុំប៊ី បង្កើតឡើងក្នុងឆ្នាំ១៧៥៤ ជាសកលវិទ្យាល័យដំបូងគេបង្អស់ដែលមានប្រព័ន្ធគ្រប់គ្រងបែបអាមេរិក និងបានទទួលពានរង្វាន់ ល្បីៗផ្នែកអប់រំមានពានរង្វាន់ណូប៊ែល និងពានរង្វាន់ Pulitzer ។
សាកលវិទ្យាល័យកូឡុំប៊ី ផ្តោតលើមុខវិជ្ជាឯកទេសវេជ្ជសាស្ត្រ ។ ចំណែកឯតម្លៃសិក្សាគឺ ៥៨.៧៤២ដុល្លារអាមេរិកក្នុង១ឆ្នាំ ។
៥-សាកលវិទ្យាល័យ Wesleyan
សាកលវិទ្យាល័យ Wesleyan ស្ថិតក្នុងរដ្ឋ Connecticut សហរដ្ឋអាមេរិក បានបង្កើតឡើងក្នុងឆ្នាំ១៨៣១ និងមានកម្ពស់៤ជាន់ ។
សាកលវិទ្យាល័យ Wesleyan មានតម្លៃសិក្សា ៥៨.៥០២ ដុល្លារអាមេរិកក្នុង១ឆ្នាំ ។
៦-សកលវិទ្យាល័យ Claremont Mckenna
សាកលវិទ្យាល័យ Claremont Mckenna បង្កើតឡើងក្នុងឆ្នាំ១៩៤៦ ស្ថិតនៅរដ្ឋកាលីហ្វ៊័រនីញា៉សហរដ្ឋអាមេរិក ជាសកលវិទ្យាល័យប្លែកជាងគេក្នុងពិភពលោក ពោលគឺមិនទទួលសិស្សនារីទេ រហូតដល់ឆ្នាំ១៩៧៦ ទើបមានការប្រែប្រួលប្រព័ន្ធគ្រប់គ្រង ។
សាកលវិទ្យាល័យ Claremont Mckenna មានមុខវិជ្ជា សំខាន់ៗដូចជា វិទ្យាសាស្ត្រគ្រប់គ្រង វិទ្យាសាស្ត្រស្រាវជ្រាវ និងវិទ្យាសាស្ត្រអប់រំ ។ តម្លៃសិក្សារបស់សាកលវិទ្យាល័យនេះគឺ៥៨.០៦៥ដុល្លារអាមេរិកក្នុង១ឆ្នាំ ។
៧-សាកលវិទ្យាល័យ Dartmouth College
សាកលវិទ្យាល័យ Dartmouth College បង្កើតឡើងក្នុងឆ្នាំ១៧៦៩ ស្ថិតក្នុងរដ្ឋញូវហេមសៀរ សហរដ្ឋអាមេរិក បានពានរង្វាន់ផ្នែកគុណភាពអប់រំចំនួន៣ ។ ចំពោះតម្លៃសិក្សាគឺ ៥៧.៩៩៦ដុល្លារអាមេរិកក្នុង១ឆ្នាំ ។
៨-សាកលវិទ្យាល័យ Parson The New School for Design
សាកលវិទ្យាល័យ Parson The New School for Design ស្ថិតក្នុងរដ្ឋញូវយ៉ក បង្កើតឡើងក្នុងឆ្នាំ១៨៩៦ គឺជាសាកលវិទ្យាល័យដំបូងគេបង្អស់មានមុខវិជ្ជាដែលត្រូវបានទទួលស្គាល់ជាអន្តរជាតិ រួមមានមុខវិជ្ជារចនា គំនូរ និងប្លង់ស្ថាបត្យកម្ម ។ ចំពោះតម្លៃសិក្សាគឺ៥៧.៩១០ដុល្លារអាមេរិកក្នុង១ឆ្នាំ ។
៩-សាកលវិទ្យាល័យ Johns Hopkins University
សាកលវិទ្យាល័យ Johns Hopkins University បង្កើតឡើងក្នុងឆ្នាំ១៨៧៦ ស្ថិតក្នុងរដ្ឋមា៉រីលែន សហរដ្ឋអាមេរិក មានកម្ពស់៣ ជាន់ ។ សាកលវិទ្យាល័យនេះ ផ្តោតលើមុខវិជ្ជាសំខាន់ៗដូចជា វិទ្យាសាស្ត្រស្រាវជ្រាវ វេជ្ជសាស្ត្រ និងវិស្វករ ។
តម្លៃសិក្សារបស់សាកលវិទ្យាល័យនេះគឺ៥៧.៨២០ដុល្លារអាមេរិកក្នុង១ឆ្នាំ ។
១០-សាកលវិទ្យាល័យស៊ីកាហ្គោ
សាកលវិទ្យាល័យស៊ីកាហ្គោ ស្ថិតក្នុងរដ្ឋ អីុលីណយ សហរដ្ឋអាមេរិក បានបង្កើតឡើងក្នុងឆ្នាំ១៨៩០ ។ ស៊ីកាហ្គោ ជាសាកលវិទ្យាល័យដែលមាននិស្សិតចម្រុះជាតិសាសន៍មកពីបណ្តាប្រទេសនានានៅលើពិភពលោក ។ តម្លៃសិក្សាគឺ ៥៧.៧១១ដុល្លារអាមេរិក៕
ចែករំលែកព័តមាននេះ