រាជធានីភ្នំពេញ ៖ មកពេលវេលាម៉ោង៨និង៣០នាទីព្រឹក អគ្គិភ័យឆាបឆេះរោងចក្រឆាងស៊ឹង មិនទាន់រលត់នៅឡើយ ហើយរថយន្តពន្លត់អគ្គិភ័យជាច្រើនគ្រឿង កំពុងបន្តបា.ញ់ពន្លត់ ខណៈទំហំនៃការខូចខាតរាប់លានដុល្លារ ។
រាជធានីភ្នំពេញ ៖ មកពេលវេលាម៉ោង៨និង៣០នាទីព្រឹក អគ្គិភ័យឆាបឆេះរោងចក្រឆាំងស៊ឹង មិនទាន់រលត់នៅឡើយ ហើយរថយន្តពន្លត់អគ្គិភ័យជាច្រើនគ្រឿង កំពុងបន្តបាញ់ពន្លត់ ខណៈទំហំនៃការខូចខាតរាប់លានដុល្លារ ។
បើតាមសេចក្តីរាយការណ៍ឱ្យដឹងថា នៅក្នុងហេតុការណ៍នេះដែរ បុរសជនជាតិចិនម្នាក់ឈ្មោះ យ៉ាង ស៊ីងស៊ុង អាយុប្រហែល៤០ឆ្នាំ ជាប្រធានក្រុមបច្ចេកទេស ត្រូវភ្លើងឆាប ឆេះរោលខ្លោចខ្មៅ ដេកស្លាប់នៅក្បែរបន្ទប់ទឹកយ៉ាងអាណោចអាធ័ម បច្ចុប្បន្នសពតម្កល់នៅវត្តស្ទឹងមានជ័យ ។
គួរបញ្ជាក់ថា រោងចក្រកាត់ដេរសំលៀកបំពាក់ ឆាងស៊ឹង ដែលមានទំហំប្រមាណមួយមឺុនម៉ែត្រការេ ត្រូវបានអគ្គិភ័យលេបត្របាក់ទាំងស្រុង កាលពីវេលាម៉ោង៤និង៣៥នាទីទៀបភ្លឺថ្ងៃទី២៨ កក្កដា ស្ថិតនៅក្នុងភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ ។ រោងចក្រនេះមានកម្មករសរុបប្រមាណ៨៥០នាក់ ។
អគ្គិភ័យនេះបានឆេះរាលដាលដល់ផ្ទះជួលរបស់ប្រជាពលរដ្ឋដែលមានទីតាំងក្បែររោងចក្រខាងលើអស់មួយចំនួន និងមានសេចក្តីរាយការណ៍មកថា កម្មកររោងចក្រ ឌូហុស ដែលមានទីតាំងក្បែរនោះក៏បានដួលសន្លប់ចំនួន៥នាក់ ដោយសារតែមានការជ្រួលច្របល់ ហើយក្នុងនោះរថយន្តពន្លត់អគ្គិភ័យបានចេញអន្តរាគមន៍បាញ់ ពន្លត់ចំនួន២៥គ្រឿង ដោយប្រើប្រាស់ទឹកអស់ជាច្រើនរថយន្ត៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ