រដ្ឋមន្រ្តីសមាជិក G20 បានជួបប្រជុំគ្នាកាលពីថ្ងៃទី១៩ កក្កដា កន្លងទៅនេះនៅទីក្រុងស៊ីដនី ប្រទេសអូស្រ្តាលី ដើម្បីពិភាក្សាលើប្រធានបទ«ពង្រីកសេដ្ឋកិច្ចពិភពលោកដោយមិនយកពន្ធចំពោះប្រទេសជាសមាជិក» ។ លោក Andrew Robbរដ្ឋមន្រ្តីពាណិជ្ជកម្មប្រទសអូស្ត្រាលីថ្លែងក្នុងអង្គប្រជុំនោះថា រាល់ប្រទេសជាសមាជិកG20 នឹងត្រូវយកចិត្តទុកដាក់លើប្រព័ន្ធសេដ្ឋកិច្ចរបស់ខ្លួនដោយបើកចំហឱ្យមានការវិនិយោគក្នុងប្រទេស និងក្រៅប្រទេសផងដែរ ។
ទន្ទឹមគ្នានោះរដ្ឋមន្រ្តីក្រសួងពាណិជ្ជកម្មប្រទេសបារាំងលោក Fleur Pellerin និយាយថា ប្រទេសសមាជិកG20 ទាំងអស់មិនត្រូវមើលរំលងការបង្កើតការងារ និងជំរុញការនាំចេញ ទៅកាន់ប្រទេសក្រៅឱ្យមានប្រសិទ្ធភាព ពោលគឺត្រូវបង្កើនផលិតផលក្នុងស្រុកGDP ឱ្យមានលំនឹងដែលអាចរក្សាអតិផរណាបានក្នុងប្រព័ន្ធសេដ្ឋកិច្ច ។ ក្រៅពីចំណុចសំខាន់ទាំងពីរខាងលើការប្រជុំរបស់ G20ក៏ពិភាក្សាលើកត្តាជំរុញពាណិជ្ជកម្មរវាងប្រទេសជាសមាជិកG20 ទៀតផង ។ នេះគឺជាដំណាក់កាលចុងក្រោយរបស់កិច្ចប្រជុំG20 ដែលបានរៀបចំឡើងក្នុងប្រទេសអូស្ត្រាលី ៕
ចែករំលែកព័តមាននេះ