ហូជីមិញ ៖ តាមរបាយការណ៍របស់ការិយាល័យស្ថិតិទូទៅរបស់វៀតណាមឱ្យដឹងថា សន្ទស្សន៍តម្លៃទំនិញប្រើប្រាស់នៅក្នុងប្រទេសប្រចាំខែកក្កដា ឆ្នាំ២០១៤ បានកើនឡើង០,២៣%ធៀបនឹងខែមិថុនា ដែលហាងឆេងនេះមានអត្រាខ្ពស់ជាងនៅក្នុងទីក្រុងហាណូយនិងហូជីមិញទៅទៀត ។
បើធៀបជាមួយនឹងអំឡុងពេលដូចគ្នាកាលពីឆ្នាំ២០១៣ សន្ទស្សន៍តម្លៃទំនិញរបស់វៀតណាមក្នុងខែកក្កដា បានកើនឡើង៤,៩៤% ។ រីឯគ្រឿងធ្វើម្ហូបនិងសេវាកម្មភោជនីយដ្ឋានកើនឡើង០,២% ។ ចាប់តាំងពីខែមីនា មក តម្លៃអាហារបានឡើងថ្លៃ ហើយបើតាមការព្យាករ វានឹងបន្តកើនឡើង ពីព្រោះតែការហក់ឡើងនៃតម្លៃសាំងដែលជាអ្នកដំឡើងថ្លៃដឹកជញ្ជូន ។ ចំណែកតម្លៃលំនៅឋាន គ្រឿងសំណង់ អគ្គិសនី ទឹក និងប្រេងឥន្ធនៈបានកើនឡើង០,៤៣%កាលពីខែមុន ។
ដោយឡែកតម្លៃនៃពពួកទំនិញដទៃទៀតបានកើនឡើងបន្ដិចដែរ ។ សន្ទស្សន៍តម្លៃទំនិញឆ្លងកាត់ប្រៃសណីយ៍ និងទូរគមនាគមន៍ថយចុះ៧ខែជាប់ៗគ្នាក្នុងនោះគឺធ្លាក់ចុះ០,០១% ។
ចំណែកឯសន្ទស្សន៍តម្លៃទំនិញប្រើប្រាស់នៅទីក្រុងហាណូយកើន០,១៨% ខណៈទីក្រុងហូជីមិញកើន០,១២% នៅក្នុងខែកក្កដានេះ ៕
ចែករំលែកព័តមាននេះ