ខេត្តកំពង់ឆ្នាំង ៖ ជនសង្ស័យម្នាក់ត្រូវបានកម្លាំងនគរបាលព្រហ្មទណ្ឌក្រុងកំពង់ឆ្នាំង ធ្វើការចាប់ឃាត់ខ្លួន នៅព្រឹកថ្ងៃទី២៦ ខែកក្កដា ឆ្នាំ២០១៤ នៅលំនៅដ្ឋានរបស់ខ្លួន ស្ថិតក្នុងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង បន្ទាប់ពីបានធ្វើសកម្មភាពលួចទូរសព្ទ័ដៃគេចំនួន២គ្រឿង កាលពីយប់ថ្ងៃទី ២៥ខែកក្កដា ឆ្នាំ២០១៤ ។
ខេត្តកំពង់ឆ្នាំង ៖ ជនសង្ស័យម្នាក់ត្រូវបានកម្លាំងនគរបាលព្រហ្មទណ្ឌក្រុងកំពង់ឆ្នាំង ធ្វើការចាប់ឃាត់ខ្លួន នៅព្រឹកថ្ងៃទី២៦ ខែកក្កដា ឆ្នាំ២០១៤ នៅលំនៅដ្ឋានរបស់ខ្លួន ស្ថិតក្នុងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង បន្ទាប់ពីបានធ្វើសកម្មភាពលួចទូរសព្ទ័ដៃគេចំនួន២គ្រឿង កាលពីយប់ថ្ងៃទី ២៥ខែកក្កដា ឆ្នាំ២០១៤ ។
លោក ញ៉ោក ប៊ុនធី អធិការរងក្រុងកំពង់ឆ្នាំង បាននិយាយថា ជនសង្ស័យខាងលើនេះមានឈ្មោះ គន ស៊ីណាត ហៅជ្រឹង អាយុ២០ឆ្នាំ មានទីលំនៅភូមិផ្សារលើ ជិតផ្ទះម្ចាស់ទូរសព្ទ័ដែរ ចំណែកម្ចាស់ទូរសព្ទ័មានឈ្មោះ ឡេង សុលីដា អាយុ២៥ឆ្នាំ ។ ប្រភពដដែលបានបន្តថា នៅម៉ោង៨និង១០នាទីយប់ ម្ចាស់ទូរស័ព្ទឈ្មោះ ឡេង សុលីដា បានត្រឡប់ចូលផ្ទះវិញ ហើយបានដាក់ទូរសព្ទ័នៅលើក្បាលគ្រែប្រអប់ជាប់មាត់បង្អួច រួចបានដើរចូលទៅក្នុងផ្ទះ ស្រាប់តែពេលដើរចេញត្រឡប់មកវិញឃើញជនសង្ស័យខាងលើកំពុងលូកដៃលួចយកទូរសព្ទ័ចំនួន២គ្រឿងតាមមាត់បង្អួច ភ្លាមនោះម្ចាស់ទូរសព្ទ័បាន ស្រែកចោរៗ ហើយបានឆោឡោឡើង។ បន្ទាប់មកជនសង្ស័យបានរត់មកដល់ផ្ទះជួបម្តាយ ហើយម្តាយ
បានសួរថាឯងលួចទូរសព្ទ័គេឬ ? ពេលនោះជនសង្ស័យយបានសារភាពតាមត្រង់ និងបានឱ្យទូរសព្ទ័ទៅម្តាយយកទៅឱ្យម្ចាស់គេវិញ ហើយម្ចាស់ទូរសព្ទ័ក៏មិនបានប្តឹងផ្តល់ដែរ ។ ប៉ុន្តែនៅព្រឹកឡើងមន្ត្រីប៉ូលិសនៅព្រហ្មទណ្ឌកំរិតស្រាលម្នាក់ដែលមានផ្ទះនៅក្បែរ បានដឹងរឿងនេះ ក៏បានឱ្យមន្ត្រីនគរបាលក្រុងកំពង់ឆ្នាំង ហៅជនសង្ស័យមកសាកសួរ និងបានក៏សាងសំណុំរឿងបញ្ជូនជនសង្ស័យនិងវត្ថុតាង មានទូរសព្ទ័ដៃម៉ាក សាំសុងកាឡាកស៊ី ណូត១គ្រឿង និងម៉ាកណូគាចុចពិលទៅស្នងការដ្ឋានដើម្បីបន្តសំណុំរឿងបញ្ជូនទៅតុលាការតាមនិតិវិធី ។
ចែករំលែកព័តមាននេះ