ខេត្តព្រៃវែង ៖ ជនសង្ស័យ២នាក់ ក្នុងចំណោម៤នាក់ ត្រូវបានសមត្ថកិច្ចស្ទាក់ចាប់ខ្លួនបានបន្ទាប់ពួកគេនាំគ្នាធ្វើសកម្មភាព គំរាម(ប្លន់)យក ទ្រព្យសម្បត្តិលោកតាអាយុ៧០ឆ្នាំម្នាក់ ដែលកំពុងធ្វើដំណើរនៅលើកំណាត់ផ្លូវជាតិលេខ១ ត្រង់ចំណុចភូមិសឹង្ហ ឃុំកំពង់សឹង្ហ ស្រុកព្រះស្តេច កាលពីវេលាម៉ោងប្រមាណជា៩និង៤០នាទីព្រឹក ថ្ងៃទី២៦ កក្តដា ២០១៤ ។
ប្រភពព័ត៌មានពីលោកអនុសេនីយ៍ឯក អាត អ៊ន មេប៉ុស្តិ៍រដ្ឋបាលឃុំព្រែកខ្សាយ(ខ) បានឱ្យដឹងថាជនសង្ស័យទាំង២នាក់ដែលត្រូវចាប់ខ្លួនបាននោះទី១. ឈ្មោះ លី ចំរើន ភេទប្រុស អាយុ៣៤ឆ្នាំ មុខរបរមិនពិតប្រាកដ មានទីលំនៅក្នុងភូមិទ្រា សង្កាត់ស្ទឹងមានជ័យ ក្រុងភ្នំពេញ ទី២.ឈ្មោះ លី សីហា ភេទប្រុស អាយុ២៦ឆ្នាំមានទីលំនៅក្នុងតំបន់ចំការដូង រាជធានីភ្នំពេញ អ្នកទាំង២ត្រូវបានចាប់ខ្លួនជាមួយនឹងម៉ូតូ១គ្រឿង ម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៣ ពាក់ស្លាកលេខបាត់ដំបង១-Q៩២០៤ នៅវេលាម៉ោង១០ព្រឹក ថ្ងៃទី២៦កក្តដា នៅចំណុចក្បាលសាលាអ្នកលឿងត្រើយខាងកើត ខណៈពេលដែលពួកគេ កំពុងរងចាំឆ្លងសាឡាងទៅត្រើយខាងលិច ។
ចំណែកបក្សពួក២នាក់ផ្សេងទៀត ដែលរត់គេចខ្លួនបាត់នោះ ត្រូវបានគេស្គាល់ថាឈ្មោះ នៅ ចន្ថា ភេទប្រុស អាយុជាង៥០ឆ្នាំ មានទីលំនៅត្រង់ម្តុំព្រៃសរ ជិះម៉ូតូមួយគ្រឿងម៉ាកវ៉េវ និងម្នាក់ទៀតឈ្មោះ ស ខ្ជឹប ភេទប្រុស អាយុជាង៤០ឆ្នាំមានទីលំនៅត្រង់ម្តុំចំការដូង ជិះម៉ូតូវីវ៉ា ពណ៌ខ្មៅ។ រីឯជនរងគ្រោះមានឈ្មោះ ងៀប ស៊ា ភេទប្រុស អាយុ៧០ឆ្នាំ មុខរបរធ្វើស្រែ មានទីលំនៅក្នុងភូមិឡឹក ឃុំរំចេក ស្រុក ព្រះស្តេច ខេត្តព្រៃវែង។
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ