ក្នុងខែសីហាជនស៊ីវិលអ៊ីរ៉ាក់ជិត300នាក់ស្លាប់ដោយអំពើហិង្សានានា
ដោយ ៖ ប្រុសកោះ
ថ្ងៃព្រហស្បត្ត៏ ទី២ ខែកញ្ញា ឆ្នាំ២០១០ ម៉ោង ១៤:៣៧
គេហទំព័របរទេស
ទាហានអាមេរិកម្នាក់នៅឈរយាមនៅកន្លែងវាយប្រហារមួយ
អាជ្ញាធរនិយាយកាលពីថ្ងៃទី១ កញ្ញា ថា អំពើហិង្សាទាំងឡាយ ដែលកើតឡើងក្នុងប្រទេសអ៊ីរ៉ាក់ បានសំលាប់ជនស៊ីវិលជិត៣០០នាក់ ក្នុងខែសីហា ។ អាជ្ញាធរអ៊ីរ៉ាក់ អះអាងបញ្ជាក់ពីចំនួនជនស៊ីវិលអ៊ីរ៉ាក់ដែលស្លាប់ក្នុងខែ សីហា ដោយអំពើហិង្សា និងការវាយប្រហារអត្តឃាតនានាមួយថ្ងៃ ក្រោយពីប្រធានាធិបតីសហរដ្ឋអាមេរិក លោកបារ៉ាក់ អូបាម៉ា គូសបញ្ជាក់ពីការបញ្ចប់បេសកកម្មប្រយុទ្ធរបស់កងទ័ពអាមេរិកនៅអ៊ីរ៉ាក់ ។
ក្រសួងមហាផ្ទៃអ៊ីរ៉ាក់ឱ្យដឹងថា ចំនួនជនស៊ីវិលអ៊ីរ៉ាក់ដែលស្លាប់ក្នុងខែសីហា គឺមានជិត៣០០នាក់ និងអ្នករបួសមានចំនួន៥០៨
នាក់ ។ ដោយឡែក ទាហានអ៊ីរ៉ាក់៥៤នាក់ ក៏ត្រូវស្លាប់ក្នុងខែសីហានោះដែរ ។ កាលពីខែកក្កដាចំនួនមនុស្សដែលស្លាប់ក្នុងអំពើហិង្សានានាក្នុងប្រទេសអ៊ីរ៉ាក់មានខ្ពស់បំផុតពុំធ្លាប់មានចាប់តាំងពីខែឧសភា ឆ្នាំ២០០៨ មកដោយជនស៊ីវិលជិត៤០០នាក់ ត្រូវបានសំលាប់ក្នុងខែនោះ ៕
