ខេត្តស្វាយរៀង ៖គ្រោះថ្នាក់ចរាចរណ៍គួរឱ្យរន្ធត់មួយបានបណ្តាលឱ្យមនុស្សយ៉ាងហោចណាស់ចំនួន ៦នាក់រងរបួសធ្ងន់ស្រាលនៅលើកំណាត់ផ្លូវជាតិលេខ១សង្ស័យអ្នកបើកងងុយដេក ហើយបើកបរក្នុងល្បឿនលឿន។ ហេតុការណ៍នេះបានកើតឡើងកាលពីវេលាម៉ោងប្រមាណជា១០យប់ថ្ងៃទី២៤ ខែកក្កដា ឆ្នាំ២០១៤ ស្ថិតក្នុងភូមិដើមពោធិ សង្កាត់ចក្រម្ទេស ក្រុងបាវិត ខេត្តស្វាយរៀង ។
បើតាមសម្តីសក្សីដែលបានឃើញហេតុការណ៍បានអះអាងឱ្យដឹងថាដំបូងគេបានឃើញរថយន្តមួយគ្រឿងម៉ាក កាម៉ារី បាឡែន ពណ៌ពងមាន់ មិនចាំស្លាកលេខធ្វើដំណើរពីកើតទៅលិចបើកបរក្នុងល្បឿនលឿន លុះមកដល់ចំណុចកើតហេតុដែលជាផ្លូវកោង ស្រាប់តែរថយន្តរេចង្កូតក្រឡាប់តែម្តង ដែលសង្ស័យថាអ្នកបើកបរប្រហែលជាងងុយដេកទើបមិនបានមើលផ្លូវធ្វើឱ្យរថយន្តក្រឡាប់ និងមនុស្សនៅក្នុងរថយន្តរងបួសទាំងអស់បែបនេះ ។
ក្រោយពេលកើតហេតុប្រជាពលរដ្ឋដែលនៅជិតនោះក៏បានចេញមកមើលជនរងគ្រោះ និងបានរាយការណ៍ជូនសម្ថតកិច្ចនគរបាលប៉ុស្តិ៍ចក្រម្ទេសដើម្បីអន្តរាគមន៍ ព្រមទាំងដឹកជនរងគ្រោះមកសង្គ្រោះនៅមន្ទីរពេទ្យបង្អែកខេត្តស្វាយរៀងភ្លាមៗផងដែរ ។
ចែករំលែកព័តមាននេះ