ខេត្តកំពង់ឆ្នាំង ៖ ជនសង្ស័យជាអ្នកចែកចាយថ្នាំញៀនប្រុសស្រី៣នាក់ត្រូវបានសមត្ថកិច្ច ដេញតាមចាប់ខ្លួន បាននៅវេលាម៉ោង១០និង៣០នាទី យប់ ថ្ងៃទី២៤ ខែកក្កដា ឆ្នាំ២០១៤ នៅចំណុចមុខវត្តអារញ្ញការាម ក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ។ បន្ទាប់ពី អ្នកម៉ូតូឌុបម្នាក់បានមកប្តឹងថាពួកទាំងនោះបានឱ្យ
ខេត្តកំពង់ឆ្នាំង ៖ ជនសង្ស័យជាអ្នកចែកចាយថ្នាំញៀនប្រុសស្រី៣នាក់ត្រូវបានសមត្ថកិច្ច ដេញតាមចាប់ខ្លួន បាននៅវេលាម៉ោង១០និង៣០នាទី យប់ ថ្ងៃទី២៤ ខែកក្កដា ឆ្នាំ២០១៤ នៅចំណុចមុខវត្តអារញ្ញការាម ក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ។ បន្ទាប់ពី អ្នកម៉ូតូឌុបម្នាក់បានមកប្តឹងថាពួកទាំងនោះបានឱ្យលុយថ្លៃ ម៉ូតូឌុបក្រដាស១០០ដុល្លារក្លែងក្លាយ អ្វីដែលមានការកត់សំគាល់នោះ ក្រោយពីការឆែកឆេរក្នុង កាបូប ជាប់ខ្លួនបានឃើញសោម៉ូតូ កាតគ្រីម៉ូតូ កាតអេធីអឹមធនាគារ និងអត្តសញ្ញាណប័ណ្ណជាច្រើនសន្លឹក ដែលគេ សង្ស័យថាក្រុមនេះជាក្រុមចោរលួចម៉ូតូឬចោរឆក់កាបូប។
លោក ញ៉ោក ប៊ុនធី អធិការរងនគរបាលក្រុងកំពង់ឆ្នាំងទទួលផ្នែកព្រហ្មទណ្ឌបានឱ្យដឹងថាក្រុម ជនសង្ស័យទាំង៣នាក់នេះមានឈ្មោះ ១.យ៉ យ៉ាំងទី ហៅតឹង សុខា ភេទប្រុស អាយុ២៨ឆ្នាំ រស់នៅសង្កាត់ ជ្រោយចង្វា ខណ្ឌឬស្សីកែវ ក្រុងភ្នំពេញ ,២.ឈ្មោះ ឈិន វិទូ ភេទប្រុស អាយុ១៧ឆ្នាំ មានចាក់សាក់ពេញខ្លួន រស់នៅស្រុកស្ទោង ខេត្តកំពង់ធំ ,៣.ឈ្មោះលី ចាន់ធី អាយុ១៩ឆ្នាំ ភេទស្រី រស់នៅភូមិឆ្នុកទ្រូ ឃុំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង ពួកគេទាំង៣នាក់សុទ្ធតែជាជនជាតិវៀតណាម ។
ប្រភពដដែលបានបន្តឱ្យដឹងថា មុនពេលកើតហេតុនៅថ្ងៃទី២៣ ខែកក្កដា ឆ្នាំ២០១៤ ជនសង្ស័យជាប្រុសៗមានគ្នា២នាក់បានធ្វើដំណើរមកពីក្រុងភ្នំពេញ ទៅស្នាក់នៅចែកចាយថ្នាំញៀននៅផ្ទះបក្ខពួកគេ ឈ្មោះ លី ចាន់ធី ភេទស្រី នៅឃុំឆ្នុកទ្រូលក់ថ្នាំញៀនម៉ាទឹកកក កន្លះហ៊ុនបានប្រាក់៦ម៉ឺនរៀល។ បន្ទាប់មកនៅព្រលប់ថ្ងៃទី២៤ ពួកគេបានជួលម៉ូតូឌុបមួយគ្រឿងជិះគ្នា៣នាក់ក្នុងតម្លៃ៦ម៉ឺន បំណងមកស្នាក់នៅផ្ទះសំណាក់ ផ្កាយព្រឹកក្នុង ភូមិតំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង។ពេលមកដល់គោលដៅគេបានដកលុយក្រដាស ១០០ដុល្លារឱ្យទៅអ្នករត់ម៉ូតូឌុបយកទៅដូរឱ្យថ្លៃម៉ូតូឌុប តែពេលអ្នករត់ម៉ូតូឌុបទៅដូរលុយទើបអ្នកដូរលុយប្រាប់ថាជាលុយក្លែងក្លាយទេ ។ភ្លាមនោះអ្នករត់ម៉ូតូឌុប ក៍បានរាយការណ៍ជូនសមត្ថកិច្ច ហើយសមត្ថកិច្ចនគរបាលក្រុងកំពង់ឆ្នាំងក៍បានប្រមូលកម្លាំងប្រដេញស្ទាក់ចាប់បាននៅចំណុចខាងលើក្នុងពេលដែលពួកគេបានរត់គេចខ្លួនពីផ្ទះសំណាក់ផ្កាយព្រឹក។ក្រោយពេលឃាត់ខ្លួនសមត្ថកិច្ចបានឆែកឆេរនៅក្នុងកាបូបរបស់ពួកគេរកឃើញ ថ្នាំញៀនម៉ាទឹកកមួយ កញ្ចប់តូច អត្តសញ្ញាណប័ណ្ណសញ្ជាតិខ្មែរ៤សន្លឹក។
ព័ត៌មានលម្អិតនិងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ