ខេត្តកំពង់ធំ ៖ ផ្ទះ១ខ្នងទំហំ៥ម គុណ៧ម ធ្វើអំពីឈើប្រក់ស័ង្កសីដោយចំណាយទឹកប្រាក់អស់ចំនួន១០លានរៀលត្រូវបានលោកឧត្តមសេនីយ៍ត្រី ហង្ស ថុល មេបញ្ជាការកងរាជអាវុធហត្ថខេត្តកំពង់ធំ និងលោក លោកវរៈសេនីយ៍ត្រី លក វង្ស មេបញ្ជាការកងរាជអាវុធហត្ថស្រុកសណ្តាន់ ព្រមជាមួយសហការរីបានសាងសង់ជូនលោកយាយក្រីក្រលំបាកម្នាក់ស្ថិតនៅក្នុងភូមិងន ឃុំងន ស្រុកសណ្តាន់ កាលពីថ្ងៃទី២៥ ខែកក្កដា ឆ្នាំ២០១៤នេះ។
លោក វរសេនីយ៍ត្រី លក វង្ស មេបញ្ជាការមូលដ្ឋានកងរាជអាវុធហត្ថសណ្តាន់បានឲ្យដឹងដែរថា ដោយមើលឃើញពី ទុក្ខលំបាក កំសត់វេទនា ក្រីក្រតោកយ៉ាករបស់លោកយាយ ឈ្មោះ ព្រំ រ៉េត អាយុ៧២ ឆ្នាំ រស់នៅក្នុងខ្ទមកំសត់ជាមួយនិងចៅកំសត់២នាក់ ដែលត្រូវម្តាយបង្កើតទុកចោលរត់ទៅយកប្តីថ្មី ធ្វើឲ្យបុរសជាប្តីដែលធ្លាប់មានជំងឺ វិកលចរិកពីមុនមកផងនោះ ក្លាយ ខ្លួនជាមនុស្សឆ្កួតលីលាលែងដឹងខុសត្រូវអ្វីទាំងអស់នៅពេលដែលរោគារធ្វើទុកម្តងៗ ឲ្យតែមានសត្វឬក៏មនុស្សទៅជិតគឺចាប់បាន ហែកស៊ីឆៅ ហេតុដូច្នេះហើយបុរសនោះក៏ត្រូវបានឪពុកម្តាយចាប់ដាក់ច្រវ៉ាក់កដៃកជើងកុំឲ្យដើរបង្ករឿងគេ។
លោកឧត្តមសេនីយ៍ត្រី ហង្ស ថុល ក៏បានជួយឧបត្ថម្ភនូវថវិការផ្ទាល់ខ្លួនបន្ថែមចំនួន១០០ដុល្លាររួមជាមួយអង្ករ១០០គីឡូក្រាម សារុង៥ ក្រម៉ា២ កន្ទេល មុង ភួយខ្នើយ ចានឆ្នាំ ទឹកត្រី ទឹកស៊ីអ៊ីវ និងសម្ភារជាច្រើនសរុប៣៣មុខទៀតជូនដល់លោកយាយ។
ព័ត៌មានលម្អិតនិងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ