ខេត្តកែប ៖ រថយន្តរបស់លោក យួស មុនី ប្រធានមន្ទីររ៉ែ និងថាមពលខេត្តកែប បានជួបនឹងគ្រោះថ្នាក់ចរាចរណ៍ដោយរថយន្តសាំយ៉ុង មួយគ្រឿង ពណ៌សបានបើកក្នុងទិសដៅពីកើតទៅលិច មកបុកចំចំហៀងរថយន្តរបស់លោកប្រធានមន្ទីរ ខណះបើកបរស្របទិសគ្នា ។ ហេតុការណ៍នេះបានកើតឡើងកាលពីវេលាម៉ោង ៩ព្រឹក ថ្ងៃទី២៥ កក្កដា ២០១៤ នៅលើកំណាត់ផ្លូវជាតិលេខ៣៣ ដែលជាផ្លូវកោងចូលទៅអភិវឌ្ឍ ចម្ការបីភ្នំវល្លិ ស្ថិតក្នុងភូមិចំការចេក ឃុុំពងទឹក ស្រុកដំណាក់ចង្អើរ ខេត្តកែប ។
អ្នកបើកបររថយន្តសាំយ៉ុងមានឈ្មោះ ឈន អាត អាយុ៣៥ឆ្នាំ មានទីលំនៅក្នុងភូមិជ្រោះតាសោម ឃុំប្រាសាទភ្នំខ្យង បាននិយាយថាមុនពេលកើតហេតុគាត់បានឃើញ រថយន្ត៣គ្រឿង ដោយរថយន្ត២គ្រឿងបើកទន្ទឹមគ្នានៅពីមុខ រថយន្តរបស់ខ្លួនតែមិនឃើញរថយន្តមួយគ្រឿងទៀតទេ ហើយខ្លួនបានបើកវ៉ារថយន្តនៅខាងមុខស្រាប់តែវ៉ាក់អឺ និងរថយន្តតាកូម៉ា ពណ៌ស មួយបាំងកន្លះ របស់លោកប្រធានមន្ទីរ ដែលបើកពីលិចមកកើត វិញក៏បុកចំហៀងខាងឆ្វេងបណ្តាលឱ្យកំពិតតែនៅបើកបរបាន ចំណែករថយន្តគាត់ខូចផ្នែកខាងមុខដែរ។
ក្នុងនោះលោក ប្រធានមន្ទីររ៉ែ និងថាមពលខេត្តកែប បានទារសំណងពីម្ចាស់រថយន្តសាំយ៉ុង ចំនួន២០០ដុល្លារដោយលោកនិយាយថា ចង់ធ្វើតាមច្បាប់ឬចង់សម្រួលគ្នាបញ្ចប់ ពេលនោះម្ចាស់រថយន្តបានសុំអង្វរលោកប្រធានមន្ទីរ និងសុំឱ្យ១០០ដុល្លារ ហើយលោកប្រធានមន្ទីរក៏ព្រមទទួលយកដើម្បីបញ្ចប់រឿងតែម្តង។
ចែករំលែកព័តមាននេះ