យោងតាមអង្គការសិទ្ធិមនុស្សស៊ីរី OSDH ថា មនុស្សយ៉ាងតិច៦២នាក់ ភាគច្រើនជាពួកយុទ្ធជន បានត្រូវស្លា.ប់ក្នុងការប៉ះទង្គិចគ្នាចាប់តាំងពី២៤ម៉ោងមកហើយ រវាងកងទ័ពស៊ីរី និងពួកជីហាដនៃក្រុមរដ្ឋអ៊ិស្លាមនៅភាគខាងជើងប្រទេស ។ OSDH រាយការណ៍ថា នាថ្ងៃទី២៤ កក្កដា ក្រុមរ៉ាឌីកាល់ជ្រុលនិយម រដ្ឋអ៊ិស្លាម បានបើកការវាយប្រហារនានានៅខេត្តរ៉ាកា ខេត្តហាសាកា និងខេត្ត
យោងតាមអង្គការសិទ្ធិមនុស្សស៊ីរី OSDH ថា មនុស្សយ៉ាងតិច៦២នាក់ ភាគច្រើនជាពួកយុទ្ធជន បានត្រូវស្លាប់ក្នុងការប៉ះទង្គិចគ្នាចាប់តាំងពី២៤ម៉ោងមកហើយ រវាងកងទ័ពស៊ីរី និងពួកជីហាដនៃក្រុមរដ្ឋអ៊ិស្លាមនៅភាគខាងជើងប្រទេស ។ OSDH រាយការណ៍ថា នាថ្ងៃទី២៤ កក្កដា ក្រុមរ៉ាឌីកាល់ជ្រុលនិយម រដ្ឋអ៊ិស្លាម បានបើកការវាយប្រហារនានានៅខេត្តរ៉ាកា ខេត្តហាសាកា និងខេត្តអាឡែប របស់ស៊ីរី ។ នេះជាការប្រយុទ្ធក្នុងទ្រង់ទ្រាយធំលើកដំបូងរវាងក្រុមរដ្ឋអ៊ិស្លាម និងរបបលោកបាចា អាល់អាសាដ ដែលភាគីទាំង២នោះ សុទ្ធតែប្រយុទ្ធតតាំងដូចគ្នា ប្រឆាំងពួកឧទ្ទាមស៊ីរី ដែលធ្វើការតស៊ូ៣ឆ្នាំមកហើយ ដើម្បីផ្តួលរំលំលោកប្រធានាធិបតីអាសាដ ។
ពួករដ្ឋអ៊ិស្លាម ដែលប្រកាសកាលពីដំណាច់ខែមិថុនា ពីការបង្កើតរដ្ឋកាលីហ្វាត អ៊ិស្លាមមួយ នៅចន្លោះប្រទេសស៊ីរី និងអុីរ៉ាក់នោះ បានត្រួតត្រាតំបន់មួយចំនួនធំ ក្នុងប្រទេសទាំង២ ហើយប៉ុនប៉ងវាយវាតទីទឹកដីថែមទៀត ។ ក្នុងខេត្តហាសាកា ពួកជីហាដ យ៉ាងតិច២១នាក់ ត្រូវសម្លាប់ នាថ្ងៃទី២៤ កក្កដា ក្នុងការវាយប្រហារអត្តឃាតមួយក្នុងការប្រយុទ្ធគ្នា និងការបាញ់ផ្លោងរបស់កងទ័ព ។
យោងតាម OSDH ថា ក្នុងទីក្រុងមានឈ្មោះដូចខេត្តនោះដែរ ជនអត្តឃាត៤នាក់ បានវាយប្រហារនៅខាងក្នុងទីស្នាក់ការគណបក្ស BAAS ដែលកាន់អំណាច បន្ទាប់មកមានការប៉ះទង្គិចគ្នាខាងក្នុងអគារ ។ មនុស្ស១២នាក់ ក្នុងនោះមានសមាជិកគណបក្ស BAAS ព្រមទាំងឆ្មាំការពារអគារបានត្រូវស្លាប់ ។ នៅខាងត្បូងទីក្រុងនោះ ទាហាន១១នាក់ស្លាប់ ក្នុងការវាយប្រហាររបស់ពួករដ្ឋអ៊ិស្លាម ។ កងទ័ពស៊ីរី បានបាញ់ផ្លោងដាក់ពួកអ្នកវាយប្រហារ ព្រមទាំងទីតាំងមួយទៀតរបស់ពួករដ្ឋអ៊ិស្លាម បណ្តាលឱ្យពួកគេស្លាប់១៧នាក់ ៕
ចែករំលែកព័តមាននេះ